ବେଙ୍ଗାଲୁରୁ: ରାୟପୁରରେ ଆସନ୍ତା ନଭେମ୍ବର ୧୭ରୁ ଡିସେମ୍ବର ୬ ଯାଏଁ ବିଶ୍ୱର ୮ଟି ଟିମ୍ ନେଇ ଆରମ୍ଭ ହେବାକୁ ଥିବା ହିରୋ ୱାର୍ଲ୍ଡ ଲିଗ୍ ଫାଇନାଲ୍ସ ପାଇଁ ୧୮ ଜଣିଆ ଭାରତୀୟ ଦଳ ଘୋଷଣା ହୋଇଛି। ଏହାର ନେତୃତ୍ୱ ନେବେ ଭେଟେରାନ୍ ମିଡଫିଲ୍ଡର ସର୍ଦ୍ଦାର ସିଂ। ଦଳର ଗୋଲ କିପର ପିଆର ଶ୍ରୀଜେସଙ୍କୁ ଉପ-ଅଧିନାୟକ ଦାୟିତ୍ୱ ଦିଆଯାଇଛି। ଦଳରେ ଏକମାତ୍ର ଓଡ଼ିଆ ଭାବେ ଡିଫେଣ୍ଡର ବିରେନ୍ଦ୍ର ଲାକ୍ରା ସ୍ଥାନ ବଜାଇ ରଖିଛନ୍ତି। ତାଙ୍କ ସମେତ କୋଥାଜିତ ସିଂହ, ଭିଆର ରାଘୁନାଥ, ଜସଜିତ୍ ସିଂହ କୁଲାର ଓ ରୂପିନ୍ଦର ପାଲ ସିଂ, ସି.ଏସ୍. କାଙ୍ଗୁରାମ, ଦେବୀନ୍ଦର ୱାଲମକି, ମାନପ୍ରିତ ସିଂହ, ଧମରମବୀର ସିଂ, ଦାନିସ୍ ମୁଜତାୱା ଏସ.ଭି. ସୁନୀଲ, ରାମଦିପ୍ ସିଂ, ଆକାଶ ଦୀପ୍ ସିଂ, ଲିଲିତ ଉପାଧେୟ ଏବଂ ତଲୱିନ୍ଦର ସିଂ ଦଳରେ ସ୍ଥାନ ପାଇଛନ୍ତି।
ଘୋଷଣା ହୋଇଥିବା ଭାରତୀୟ ଦଳ ତିନି ଟିକିଆ ଟେଷ୍ଟ ମ୍ୟାଚ ନଭେମ୍ବର ୧୯ରୁ ୨୩ ତାରିଖ ଯାଏଁ ଅଷ୍ଟ୍ରେଲିଆ ବିପକ୍ଷରେ ଖେଳିପାରେ। ଏହି ତିନିଟି ମ୍ୟାଚ ହିରୋ ହକି ୱାର୍ଲ୍ଡ ଲିଗ୍ ଫାଇନାଲ୍ସ ହେବା ପୂର୍ବରୁ ଛତିଶଗଡର ରାଜନାନ୍ଦ ଗାଁଓ ଓ ରାୟପୁରରେ ଖେଳାଯିବ।