କରାଚୀ: ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ପକ୍ଷରୁ ଖେଳାଳିମାନଙ୍କ କେନ୍ଦ୍ରୀୟ ଚୁକ୍ତି ତାଲିକା ପ୍ରକାଶ ପାଇଛି। ଏହି ଚୁକ୍ତିରୁ ବାଦ୍ ପଡ଼ିଛନ୍ତି ପାକିସ୍ତାନ ପୂର୍ବତନ କ୍ୟାପଟେନ୍ ଶୋଏବ ମଲିକ୍ ଓ ମହମ୍ମଦ ହଫିଜ୍। କେନ୍ଦ୍ରୀୟ ଚୁକ୍ତିରୁ ବାଦ୍ ପଡ଼ିବା ସତ୍ତେ୍ୱ ଦୁହେଁ ଜାତୀୟ ଦଳ ଚୟନ ପାଇଁ ଉପଲବ୍ଧ ରହିବେ ବୋଲି ପିସିବି ପକ୍ଷରୁ କୁହାଯାଇଛି।
କ୍ୟାପଟେନ୍ ସର୍ଫରାଜ ଅହମ୍ମଦ, ବ୍ୟାଟ୍ସମ୍ୟାନ୍ ବାବର ଆଜମ ଏବଂ ଲେଗ୍ ସ୍ପିନର୍ ୟାସିର୍ ଶାହ କ୍ୟାଟେଗୋର-ଏ'ରେ କାଏମ ରହିଛନ୍ତି। ଟେଷ୍ଟ ଓପ୍ନର ଆଝାର ଅଲୀ ଓ ନିକଟରେ ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇଥିବା ବାମହାତୀ ପେସର୍ ମହମ୍ମଦ ଆମୀର୍ ଯଥାକ୍ରମେ ବି ଓ ସି କ୍ୟାଟେଗୋରୀକୁ ଖସିଛନ୍ତି।
ବୋର୍ଡ ୨୦୧୯-୨୦୨୦ ସିଜନ୍ ପାଇଁ କେନ୍ଦ୍ରୀୟ ଚୁକ୍ତିପ୍ରାପ୍ତ ଖେଳାଳିଙ୍କ ସଂଖ୍ୟା ୩୩ରୁ ୧୯କୁ କମାଇ ଦେଇଛି। କାରଣ ଏହି ସମୟ ମଧ୍ୟରେ ପାକିସ୍ତାନ ୬ ଟେଷ୍ଟ ମ୍ୟାଚ୍, ତିନୋଟି ଦିନିକିଆ ଏବଂ ୯ଟି ଟି-୨୦ ମ୍ୟାଚ୍ ଖେଳିବ। ସୂଚନାଯୋଗ୍ୟ, ମଲିକ୍ ବିଶ୍ୱକପ୍ ପରେ ଦିନିକିଆ କ୍ରିକେଟରୁ ସନ୍ନ୍ୟାସ ଘୋଷଣା କରିଥିଲେ। ତେବେ ସେ ଟି-୨୦ କ୍ରିକେଟ୍ ଖେଳିବା ଜାରି ରଖିବେ ବୋଲି କହିଥିଲେ। ଏହାଛଡ଼ା ହଫିଜ୍ କେବଳ ଟେଷ୍ଟ୍ କ୍ରିକେଟରୁ ଅବସର ନେଇଛନ୍ତି।
କ୍ୟାଟେଗୋରୀ-ଏ: ବାବର ଆଜମ, ସର୍ଫରାଜ ଅହମ୍ମଦ, ୟାସିର୍ ଶାହ।
କ୍ୟାଟେଗୋରୀ-ବି: ଅସଦ ସଫିକ୍, ଆଝାର ଅଲୀ, ହାରିସ୍ ସୋହେଲ୍, ଇମାମ୍-ଉଲ୍-ହକ୍, ମହମ୍ମଦ ଆବାସ, ଶଦାବ ଖାନ୍, ଶାହୀନ ଶାହ ଆଫ୍ରିଦି, ୱହାବ ରିଆଜ।
କ୍ୟାଟେଗୋରୀ-ସି: ଆବିଦ୍ ଅଲୀ, ହାସନ୍ ଅଲୀ, ଫକର୍ ଜମାନ୍, ଇମାଦ ୱାସିମ୍, ମହମ୍ମଦ ଆମୀର୍, ମହମ୍ମଦ ରିଜୱାନ୍, ଶାନ୍ ମସୁଦ୍, ଉସମାନ୍ ଶିନୱାରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
