ଭୁବନେଶ୍ୱର (ଓଡ଼ିଶା ରିପୋର୍ଟର): ଦେଶର ଷ୍ଟାର ବ୍ୟାଡ୍ମିଣ୍ଟନ ଖେଳାଳି ପି ଭି ସିନ୍ଧୁ କୋରିଆ ସୁପର ସିରିଜ ଜିତିବା ପରେ ଏହି ଟାଇଟଲ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମର୍ପିତ କରିଛନ୍ତି। ଜାପାନର ନୋଜୋମି ଅକୁହାରାଙ୍କୁ ଫାଇନାଲ୍ ମ୍ୟାଚ୍ରେ ପରାସ୍ତ କରି ସିନ୍ଧୁ ଚାମ୍ପିୟନ ହୋଇଥିଲେ। ଏହାସହ ସିନ୍ଧୁ ପ୍ରଥମ ଭାରତୀୟ ଭାବେ କୋରିଆ ଓପନ ଟାଇଟଲକୁ ନିଜ ନାଁରେ କରିଛନ୍ତି।
ଏହି ବିଜୟକୁ ସିନ୍ଧୁ ପ୍ରଧାନମନ୍ତ୍ରୀଙ୍କୁ ସମର୍ପିତ କରିଛନ୍ତି। ୧୭ ସେପ୍ଟେମ୍ବର ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ ଥିଲା। ସିନ୍ଧୁ ଟ୍ୱିଟ୍ର ମାଧ୍ୟମରେ ପ୍ରଧାନମନ୍ତ୍ରୀଙ୍କୁ ଏହି ବିଜୟ ସମର୍ପିତ କରିଥିବା କହିଛନ୍ତି। ସେ କହିଛନ୍ତି ‘ଆମର ଲୋକପ୍ରିୟ ପ୍ରଧାନମନ୍ତ୍ରୀଙ୍କ ଜନ୍ମଦିନ ଅବସରରେ ମୁ ଏହି ବିଜୟକୁ ତାଙ୍କୁ ସମର୍ପିତ କରୁଛି’, ସେ ବିନା ବିଶ୍ରାମରେ ନିସ୍ୱର୍ଥପର ଭାବେ ଦେଶର ସେବା କରୁଥିବା ସିନ୍ଧୁ କହିଛନ୍ତି। ପ୍ରଧାନମନ୍ତ୍ରୀ ମଧ୍ୟ ସିନ୍ଧୁଙ୍କ ଏହି ବିଜୟ ଅବସରରେ ଟ୍ୱିଟ୍ କରି ତାଙ୍କୁ ଶୁଭେଚ୍ଛା ଜଣାଇଥିଲେ। ପ୍ରଧାନମନ୍ତ୍ରୀ କହିଥିଲେ ଯେ ଭାରତ ସିନ୍ଧୁଙ୍କ ସଫଳତା ପାଇଁ ଗର୍ବ ଅନୁଭବ କରୁଛି।