ଇଣ୍ଡିଆନ ବୋର୍ଡ ପ୍ରେସିଡେଣ୍ଟ୍ସ ଇଲେଭେନ୍‌ ବୋଲରଙ୍କୁ ନିର୍ଦ୍ଧୁମ ପ୍ରହାର କଲେ ଶ୍ରୀଲଙ୍କା ବ୍ୟାଟ୍ସମ୍ୟାନ୍‌

ଭୁବନେଶ୍ୱର(ଓଡ଼ିଶା ରିପୋର୍ଟର): ଭାରତ ଗସ୍ତର ପ୍ରଥମ ଅଭ୍ୟାସ ମ୍ୟାଚରେ ଜୋରଦାର ପ୍ରଦର୍ଶନ କରିଛି ଟିମ୍ ଶ୍ରୀଲଙ୍କା। କୋଲକାତାର ଇଡେନ ଗାର୍ଡେନରେ ବୋର୍ଡ ଏକାଦଶ ସହ ଚାଲିଥିବା ଏହି ଦୁଇଦିନିଆ ଅଭ୍ୟାସ ମ୍ୟାଚର ପ୍ରଥମ ଦିନ ସୁଦ୍ଧା ଭ୍ରମଣକାରୀ ଦଳ ୬ ଓ୍ୱିକେଟ ହରାଇ ୪୧୧ରନ ସଂଗ୍ରହ କରିଛି। ଏଥି ସହିତ ପ୍ରଥମ ଇଂନିସ ଘୋଷଣା କରିଛି ଦଳ। ଏହି ପାଳିରେ ଶ୍ରୀଲଙ୍କାର ୪ ଜଣ ବ୍ୟାଟ୍ସମ୍ୟାନ୍‌ ଅର୍ଦ୍ଧଶତକ ହାସଲ କରିଛନ୍ତି।  ଶ୍ରୀଲଙ୍କା ପକ୍ଷରୁ ଓପନର ସମରବିକ୍ରମ ଏବଂ କରୁଣାରତ୍ନେଙ୍କ ସହ ,ଆଞ୍ଜେଲ ମାଥ୍ୟୁସ୍ ଏବଂ ଓ୍ୱିକେଟକିପର ଡିକେଓ୍ୱଲା ଅର୍ଦ୍ଧଶତକ ହାସଲ କରିଛନ୍ତି। ବୋର୍ଡ ଏକାଦଶ ତରଫରୁ ସନ୍ଦୀପ ଓ୍ୱାରିଏର ଏବଂ ଆକାଶ ଭଣ୍ଡାରି ଦୁଇଟି ଲେଖାଏଁ ଓ୍ୱିକେଟ ଅକ୍ତିଆର କରିଥିବା ବେଳେ ଅଭେଶ ଖାନ୍‌ ଓ ଜଲାଜ ସକ୍‌ସେନା ଗୋଟିଏ ଲେଖାଁଏ ୱିକେଟ୍‌ ହାସଲ କରିଛନ୍ତି।  ଶ୍ରୀଲଙ୍କା ଏହି ଗସ୍ତରେ ଭାରତ ସହ ୩ଟି ଟେଷ୍ଟ , ୩ଟି ଦିନିକିଆ ଓ ୩ଟି ଟି-ଟ୍ୱେଣ୍ଟି ଖେଳିବ। ଆସନ୍ତା ୧୬ ତାରିଖ ଠାରୁ କୋଲକାତାରେ ପ୍ରଥମ ଟେଷ୍ଟ ମ୍ୟାଚ୍‌ ଖେଳାଯିବ।