ଟାଟା ଷ୍ଟିଲ୍ ଫ୍ରେଣ୍ଡସିପ୍ କପ୍ ଫୁଟବଲ୍: ପ୍ରାଶସକ ଏକାଦଶ ଚାମ୍ପିଅନ୍

ଭୁବନେଶ୍ୱର: ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଆଜି ଟାଟା ଷ୍ଟିଲ୍ ପକ୍ଷରୁ ଆୟୋଜିତ ଫ୍ରେଣ୍ଡସିପ୍ କପ୍ ଫୁଟବଲରେ ପ୍ରଶାସକ ଏକାଦଶ ଚାମ୍ପି‌ଅନ୍ ହୋଇଛି। ମିଡିଆ ଏକାଦେଶ ଟ୍ରାଇବେକରେ ପରାସ୍ତ ହୋଇଛି। ଏହି ବନ୍ଧୁତ୍ୱପୂର୍ଣ୍ଣ ମ୍ୟାଚରେ ନେତା, ପ୍ରଶାସକ, ସାମ୍ୱାଦିକ ଓ ଆୟୋଜକ ଟାଟା ଷ୍ଟିଲର କର୍ମଚାରୀ ଭାଗ ନେଇଥିଲେ। ପ୍ରଥମ ସେମିଫାଇନାଲରେ ନେତାଙ୍କୁ ହରାଇ ପ୍ରଶାସକ ଫାଇନାଲକୁ ପ୍ରବେଶ କରିଥିଲେ। ସେପଟେ ଆୟୋଜକ ଟାଟା ଷ୍ଟିଲକୁ ହରାଇ ଫାଇନାଲକୁ ଯାଇଥିଲା ମିଡିଆ ଏକାଦଶ। ଶେଷରେ ପ୍ରଶାସକ ଏକାଦଶ ଓ ମିଡିଆ ଏକାଦଶ ମଧ୍ୟରେ ଖେଳାଯାଇଥିବା ଫାଇନାଲ୍ ମ୍ୟାଚରେ ପ୍ରଶାସକ ଏକାଦଶ ଟ୍ରାଇବେକର ଜରିଆରେ ବିଜୟ ଲାଭ କରିଥିଲା।