ଟିମ୍‌ ଇଣ୍ଡିଆ ପାଇଁ ସୁବର୍ଣ୍ଣ ସୁଯୋଗ: କାଲି ମ୍ୟାଚ୍ ଜିତି ଏକ ନମ୍ବର ହେବା ଲକ୍ଷ୍ୟ

ଭୁବନେଶ୍ୱର(ଓଡ଼ିଶା ରିପୋର୍ଟର): ଆଇସିସି ଦିନିକିଆ ମାନ୍ୟତାରେ ଏକ ନମ୍ବର ସ୍ଥାନରେ ପହଞ୍ଚିବା ପାଇଁ ଟିମ୍‌ ଇଣ୍ଡିଆର ସୁବର୍ଣ୍ଣ ସୁଯୋଗ। ଆସନ୍ତା କାଲି ଭାରତ ଓ ଅଷ୍ଟ୍ରେଲିଆ ମଧ୍ୟରେ କୋଲକାତାରେ ଦ୍ୱିତୀୟ ଦିନିକିଆ ଖେଳାଯିବ। ଯଦି ଏହି ମ୍ୟାଚ୍‌ରେ ଭାରତର ବିଜୟ ହେଉଛି ତେବେ ଦକ୍ଷିଣ ଆଫ୍ରିକାକୁ ପଛରେ ପକାଇ ଭାରତ ଏକ ନମ୍ବର ସ୍ଥାନରେ ପହଞ୍ଚିପାରିବ। ବର୍ତ୍ତମାନ ଆଇସିସି ଦିନିକିଆ ମାନ୍ୟତାରେ ଭାରତ  ୧୧୮ ପଏଣ୍ଟ ସହ ଦ୍ୱିତୀୟ ସ୍ଥାନରେ ଅଛି, ଏବଂ ୧୧୯ ପଏଣ୍ଟ ସହ ଦକ୍ଷିଣ ଆଫ୍ରିକା ଏକ ନମ୍ବର ସ୍ଥାନରେ ରହିଛି। ଯଦି ଟିମ୍ ଇଣ୍ଡିଆ ଆସନ୍ତା କାଲି ମ୍ୟାଚ୍‌ ହାରି ଯାଉଛି ତେବେ ତୃତୀୟ ସ୍ଥାନକୁ ଖସିଆସିବ। ବର୍ତ୍ତମାନ ୧୧୬ ପଏଣ୍ଟ ସହ ତୃତୀୟ ସ୍ଥାନରେ ରହିଥିବା ଅଷ୍ଟ୍ରେଲିଆ ଦ୍ୱିତୀୟ ସ୍ଥାନରେ ପହଞ୍ଚିବ। ଅନ୍ୟପଟେ ଅଷ୍ଟ୍ରେଲିଆର ଅଧିନାୟକ ସ୍ମିଥ୍‌ ଆସନ୍ତା କାଲି ତାଙ୍କର ୧୦୦ତମ ଦିନିକିଆ ମ୍ୟାଚ୍‌ ଖେଳିବେ। ସେଥିପାଇଁ ଅଷ୍ଟ୍ରେଲିଆ ଏହି ମ୍ୟାଚ୍‌ ଜିତିବାକୁ ସମ୍ଫୂର୍ଣ୍ଣ ଚେଷ୍ଟା କରିବ।