ମୁମ୍ବାଇ: ବିଶ୍ୱକପ୍ରେ ପ୍ରଥମ ହ୍ୟାଟ୍ରିକ୍। ତା’ପୁଣି ଜଣେ ଭାରତୀୟ ବୋଲର ନେଇଛନ୍ତି। ବିଶ୍ୱାସ ହେଉନଥିଲେ ମଧ୍ୟ ଏହା ସତ। ସେ ଅବଶ୍ୟ ଏକବିଂଶ ଶତାବ୍ଦୀରେ ଖେଳୁଥିବା କେହି ବୋଲର ନୁହନ୍ତି। ପୂର୍ବତନ ଭାରତୀୟ କ୍ରିକେଟର ଚେତନ୍ ଶର୍ମା ନ୍ୟୁଜିଲ୍ୟାଣ୍ଡ ବିରୋଧରେ ଏହି ସଫଳତା ପାଇଥିଲେ। ୧୯୮୭ ମସିହାରେ ଅକ୍ଟୋବର ୩୧ ତାରିଖରେ ଏପରି ବିରଳ କୃତିତ୍ୱ ହାସଲ କରିଥିଲେ। ଏହି ରେକର୍ଡ ସେ ଭାରତ ମାଟିରେ ହିଁ ହାସଲ କରି ଦେଶ ପାଇଁ ଗୌରବ ଆଣିଦେଇଥିଲେ।
ନ୍ୟୁଜିଲ୍ୟାଣ୍ଡ ବିପକ୍ଷରେ ନାଗପୁରରେ ଖେଳାଯାଇଥିବା ଏହି ମ୍ୟାଚ୍ରେ ୩ଟି ଯାକ ୱିକେଟ୍ ସେ ବୋଲ୍ଡ କରି ହିଁ ନେଇଥିଲେ, ଯାହାକି ଆଉ ଏକ ରେକର୍ଡ। ଶର୍ମା ଭାରତ ପାଇଁ ୨୩ଟି ଟେଷ୍ଟ ଏବଂ ୬୫ଟି ଦିନିକିଆ ଖେଳିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
