ପୋର୍ଟ ଅଫ୍ ସ୍ପେନ୍: ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ତିନିମ୍ୟାଚ୍ ବିଶିଷ୍ଟ ଦିନିକିଆ ସିରିଜର ତୃତୀୟ ମ୍ୟାଚ୍ ଏଠାରେ ଖେଳାଯାଉଛି। ଏହି ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରୁଥିବା ୱେଷ୍ଟଇଣ୍ଡିଜ୍ ଧୂଆଁଧାର ଆରମ୍ଭ କରିଛି। ଟିମର ଦୁଇ ଓପ୍ନର କ୍ରିସ୍ ଗେଲ୍ ଓ ଏଭିନ୍ ଲୁଇସ୍ ନିର୍ଭୀକତାର ସହ ବ୍ୟାଟିଂ କରିଛନ୍ତି।
ବିଶେଷକରି ପ୍ରଥମ ଦୁଇଟି ମ୍ୟାଚରେ ନିରାଶ କରିଥିବା ଗେଲ୍ ନିଜର ସ୍ୱାଭାବିକ ପ୍ରଦର୍ଶନ କରି ମାତ୍ର ୩୦ ବଲରେ ଅର୍ଦ୍ଧଶତକ ପୂରଣ କରିଛନ୍ତି। ରିପୋର୍ଟ ଲେଖା ହେଲା ବେଳକୁ ୱେଷ୍ଟଇଣ୍ଡିଜ୍ ବିନା ୱିକେଟ୍ ହରାଇ ୧୧୪ ରନ୍ କରିଛି। ଗେଲ୍ ୩୩ ବଲରେ ୭ ଚୌକା ଓ ୫ ଛକା ସହ ୬୫ ଓ ଲୁଇସ୍ ୨୮ ବଲରେ ୫ ଚୌକା ଓ ୩ ଛକା ସହ ୪୩ ରନରେ ବ୍ୟାଟିଂ କରୁଛନ୍ତି।
ସୂଚନାଯୋଗ୍ୟ, ଏହି ମ୍ୟାଚରେ ଭାରତୀୟ ଦଳରେ ଗୋଟିଏ ପରିବର୍ତ୍ତନ କରାଯାଇଛି। ସ୍ପିନର୍ କୁଲଦୀପ ଯାଦବଙ୍କ ସ୍ଥାନରେ ୟୁଜବେନ୍ଦ୍ର ଚହଲଙ୍କୁ ସାମିଲ୍ କରାଯାଇଛି। ସେହିପରି ୱେଷ୍ଟଇଣ୍ଡିଜ୍ ଦଳରେ ଦୁଇଟି ପରିବର୍ତ୍ତନ କରାଯାଇଛି। ଶେଲଡନ୍ କଟ୍ଟରେଲ୍ ଓ ଓଶାନି ଟମାସଙ୍କ ବଦଳରେ କୀମୋ ପଲ୍ ଓ ଫାବିଆନ୍ ଆଲେନଙ୍କୁ ସୁଯୋଗ ମିଳିଛି।