କଟକ (ଓଡ଼ିଶା ରିପୋର୍ଟର): ବାରବାଟୀ ଦିନିକିଆ ପାଇଁ ରବିବାର ସକାଳୁ ଦର୍ଶକଙ୍କ ଗହଳି ଦେଖିବାକୁ ମିଳିଥିଲା। ଯେଉଁମାନେ କାଉଣ୍ଟରରୁ ଟିକେଟ୍ ନପାଇ ହତାଶ ହୋଇଥିଲେ, ସେମାନଙ୍କ ପାଇଁ ବାହାରେ ବ୍ଲାକରଙ୍କ ଖୁବ୍ ଭିଡ଼ ଜମିଥିଲା।
୫୦୦ ଟଙ୍କାର ଟିକେଟ୍ ଗୁଡ଼ିକ ୧୫୦୦ ଏବଂ ୨ହଜାର ଟଙ୍କାରେ ବ୍ଲାକରମାନେ ବିକ୍ରି କରିଥିଲେ। ସେହିପରି ୬୦୦ ଟଙ୍କାର ଟିକେଟ୍ ଗୁଡ଼ିକ ୨ହଜାରରୁ ୨୫୦୦ ଟଙ୍କାରେ ମିଳୁଥିଲା।
୩ହଜାର ଟଙ୍କିଆ ସ୍ପେଶାଲ୍ ଏନକ୍ଲୋଜର ଟିକେଟ୍ ଗୁଡ଼ିକ ଆକାଶଛୁଅଁ ଦରରେ ବିକ୍ରି ହୋଇଥିଲା। ଏହି ଟିକେଟଗୁଡ଼ିକ ୫ହଜାରରୁ ୮ହଜାର ଟଙ୍କାରେ ବିକ୍ରି ହୋଇଥିଲା। ତେବେ ବ୍ଲାକରଙ୍କୁ ଚିହ୍ନଟ କରିବାରେ ପୁଲିସ୍ ବିଫଳ ହୋଇଥିଲା।