ଭୁବନେଶ୍ୱର: ପ୍ରଥମ ପର୍ଯ୍ୟାୟ ନିର୍ବାଚନ ବେଳେ ଜବରଦଖଲ ଓ ହିଂସାକାଣ୍ଡ ଘଟିଥିବା ବୁଥ୍ରେ ସାନି ନିର୍ବାଚନ କରାଯିବ। ଏନେଇ ଆଜି ରାଜ୍ୟ ନିର୍ବାଚନ କମିଶନଙ୍କ ପକ୍ଷରୁ ତାରିଖ ଘୋଷଣା କରାଯାଇଛି। ୧୧ଟି ଜିଲ୍ଲାର ୬୨ଟ ବୁଥ୍ରେ ସାନି ଭୋଟ ଗ୍ରହଣ କରାଯିବ। ଆସନ୍ତା ୧୮ରୁ ୨୧ ତାରିଖ ମଧ୍ୟରେ ଏହି ସବୁ ବୁଥ୍ରେ ସାନି ନିର୍ବାଚନ କରାଯିବ।
ବାଲେଶ୍ୱର, କଟକ ଓ ଢେଙ୍କାନାଳରେ ଯେଉଁ ସବୁ ବୁଥ୍ ଜବରଦଖଲ ହୋଇଥିଲା ଓ ହିଂସାକାଣ୍ଡ ଘଟିଥିଲା ସେଠାରେ ୧୮ ତାରିଖରେ ସାନି ନିର୍ବାଚନ କରାଯିବ। ସେହିପରି ଯାଜପୁର, କେନ୍ଦ୍ରାପଡ଼ା ଓ ନୂଆପଡ଼ାରେ ମଧ୍ୟ ଉକ୍ତ ଦିନ ସାନି ଭୋଟ ଗ୍ରହଣ କରାଯିବ।
୧୯ ତାରିଖରେ ବୌଦ୍ଧର କଣ୍ଟାମାଳ ବ୍ଲକରେ ଓ ୨୦ ତାରିଖରେ ପୁରୀର ୧୩ଟି ବୁଥ୍ରେ ସାନି ନିର୍ବାଚନ ହେବ। ୨୧ରେ କୋରାପୁଟର ୪ଟି ଓ ଭଦ୍ରକର ୪ଟି ବୁଥ୍ରେ ସାନି ନିର୍ବାଚନ ହେବ।