ବାଲିଯାତ୍ରାର ତୃତୀୟ ଦିନ: ଚକୁଳି ପିଠା ମାଂସ ତରକାରୀକୁ ମୁଢ଼ି ମାଂସର ମଜା ନିଅନ୍ତୁ

<p>କଟକ: କଟକ ମହାନଦୀ ତଟରେ ଜମୁଛି ବାଲିଯାତ୍ରା।&nbsp; ଆଜି ବାଲିଯାତ୍ରାର ତୃତୀୟ ଦିନ। ଗତକାଲି ରବିବାର ଥିବାରୁ ଭିଡ଼ ଅଧିକ ଥିଲା।&nbsp; ଘର କରଣା ସାମଗ୍ରୀ ସହ ବାଲିଯାତ୍ରାର ବେଶ ମଜା ଉଠାଇଥିଲେ ଦର୍ଶକ।&nbsp; ଏଥର ବାଲିଯାତ୍ରାରେ ଦର୍ଶକ ସୁସ୍ୱାଦ ଖାଦ୍ୟର ବେଶ ମଜା ଉଠାଇଛନ୍ତି। ବାଲିଯାତ୍ରାରେ ବିଭିନ୍ନ ରକମର ଖାଦ୍ୟକୁ ନେଇ ଲାଗିଛି ଷ୍ଟଲ।</p> <p>ଚକୁଳି ପିଠା ମାଂସ ତରକାରୀ, ବାରିପଦାର ମୁଢ଼ି ମାଂସ ଭଳି ଅନେକ ସୁସ୍ୱାଦ ବ୍ୟଞ୍ଜନର ଷ୍ଟଲରେ ଦର୍ଶକଙ୍କ ଗହଳି ଲାଗିଛି।&nbsp; ଚଟପଟି ଖାଦ୍ୟ ସାଙ୍ଗକୁ ଭିନ୍ନ ଭିନ୍ନ ପ୍ରକାରର ମିଷ୍ଟାନ୍ନ ମଧ୍ୟ &nbsp;ଲୋକେ କିଣିବାକୁ ଭୁଲି ନ ଥିଲେ।</p> <p>ବାଲିଯାତ୍ରାରେ ରାଜ୍ୟ ତଥା ପଡ଼ୋଶୀ ରାଜ୍ୟ ପଶ୍ଚିମବଙ୍ଗ, ଝାଡ଼ଖଣ୍ଡ, ଛତିଶଗଡ଼ ଓ ବିହାରରୁ ଅନେକ ଦର୍ଶକ ଆସିଥିବା ଦେଖିବାକୁ ମିଳିଛି। ଚଳିତବର୍ଷ ପାଗ ଭଲ ଥିବାରୁ ବେଶ ଦୁଇ ପଇସା ରୋଜଗାର କରିବାକୁ ଆଶା ରଖିଛନ୍ତି ବ୍ୟବସାୟୀ।</p>