ଶାହଙ୍କ ବାଣ: ନବୀନଙ୍କୁ ନିଦରେ ବି ପଦ୍ମ ଦିଶୁଛି, ବିଜେଡି ସରକାରକୁ ଫୋପାଡ଼ି ଦିଅ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ଜନତା ମଇଦାରେ କାର୍ଯ୍ୟକର୍ତ୍ତାଙ୍କ ଅଧିବେଶନରେ ନବୀନ ପଟ୍ଟନାୟକ ଓ ବିଜେଡି ସରକାରଙ୍କୁ ଟାର୍ଗେଟ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ। ଅଚଳ ହୋଇଯାଇଥିବା ବିଜେଡି ସରକାରକୁ ଓପାଡି ସମୁଦ୍ରରେ ଫୋପାଡି ଦେବାକୁ କର୍ମୀଙ୍କ ଜରିଆରେ ରାଜ୍ୟବସୀଙ୍କୁ ଆହ୍ୱାନ ଦେଇଛନ୍ତି। ଏହାସହ କେନ୍ଦ୍ରୀୟ ଯୋଜନାରୁ ଓଡ଼ିଶା ପାଇଥିବା ଅର୍ଥ ରାଜ୍ୟବାସୀଙ୍କ ପାଖରେ ପହଞ୍ଚିଛି କି ନାହିଁ ହିସାବ ମାଗିଛନ୍ତି। ଖାଲି ହିସାବ ମାଗି ନାହାଁନ୍ତି, ତାତ୍ସଲ୍ୟ କରି ନବୀନଙ୍କୁ ନିଦରେ ବି ପଦ୍ମ ଦିଶୁଥିବା କହିଛନ୍ତି।<br /> ମିଶନ ୧୨୦କୁ ହାସଲ କରିବାକୁ ହେଲେ କେମିତି ଓଡ଼ିଶାର ଗାଁ ଗଣ୍ଡାରେ କେନ୍ଦ୍ର ସରକାରଙ୍କ ଯୋଜନା ପହଞ୍ଚା ଯିବ ସେ ନେଇ କାର୍ଯ୍ୟକର୍ତ୍ତାଙ୍କୁ ପାଠ ପଢ଼ାଇଛନ୍ତି ଶାହ। ସେ କହିଛନ୍ତି- &ldquo;ବିକାଶ ପାଇଁ କେନ୍ଦ୍ର ସରକାର ୧୦୬ଟି ଯୋଜନା ବନାଇ ରାଜ୍ୟକୁ ପଠାଇଛି। ନରେନ୍ଦ୍ର ମୋଦି ସରକାର ବିଦ୍ୟୁତ୍&zwnj; କାରଖାନା ସଦୃଶ୍ୟ। ଆମେ ବିଦ୍ୟୁତ୍&zwnj; ଉତ୍ପାଦନ ଭଳି ଯୋଜନା ବନାଉଛୁ। ବିଦ୍ୟୁତ୍&zwnj; ଲୋକଙ୍କ ପାଖରେ ପହଞ୍ଚାଇବାକୁ ଟ୍ରାନ୍ସଫର୍ମରର ଆବଶ୍ୟକତା ରହିଛି। ଟ୍ରାନ୍ସଫର୍ମର ଜଳିଗଲେ ବିଦ୍ୟୁତ୍&zwnj; ଯୋଗାଣ ହୋଇପାରିବ ନାହିଁ। ଏଠାରେ ଓଡ଼ିଶା ସରକାରଙ୍କ ଟ୍ରାନ୍ସଫର୍ମର ଜଳି ଯାଇଛି, କେନ୍ଦ୍ରର ଯୋଜନା କେମିତି ଗାଁରେ ପହଞ୍ଚିଇବେ। ଟ୍ରାନ୍ସଫର୍ମର ଜଳିଗଲେ ବଦଳାଇ ଦେଇଥାନ୍ତି। ହେଲେ ଏଠାରେ ଜଳି ଯାଇଥିବା ବିଜେଡି ସରକାରକୁ ଓପାଡି ସମୁଦ୍ରରେ ଫିଙ୍ଗି ଦିଅ। ଏମିତି ସରକାର ଆଣ ଯିଏ ନରେନ୍ଦ୍ର ମୋଦିଙ୍କ ନେତୃତ୍ୱରେ ଓଡ଼ିଶାରେ ବିକାଶ ଆଣିପାରିବ। ଏହା ନବୀନ ବାବୁଙ୍କ ପକ୍ଷେ ସମ୍ଭବ ନୁହେଁ।&rdquo;<br /> &lt;span style=&quot;color: #ff0000;&quot;&gt;ନବୀନଙ୍କୁ ନିଦରେ ବି ପଦ୍ମ ଦିଶୁଛି&lt;/span&gt;<br /> ପଞ୍ଚାୟତ ନିର୍ବାଚନର ସଫଳତାକୁ ନେଇ ମଧ୍ୟ ବିଜେଡିକୁ ଟାର୍ଗେଟ କରିଛନ୍ତି ଶାହ। ସେ କହିଛନ୍ତି, ପଞ୍ଚାୟତ ନିର୍ବାଚନରେ ଓଡ଼ିଶାର ଜନତା ବିଜେପିକୁ ଯେଉଁ ସମର୍ଥନ ଦେଇଛନ୍ତି ସେଥିରେ ନବୀନ ବାବୁଙ୍କ ନିଦ ହଜି ଯାଇଛି। ତାଙ୍କୁ ଏବେ ନିଦରେ ବି ପଦ୍ମ ଦେଖାଯାଉଛି। କେନ୍ଦ୍ର ସରକାରଙ୍କ ଯୋଜନାକୁ ବିଜେଡି ସରକାର ଲୋକଙ୍କ ପାଖରେ ପହଞ୍ଚିବାକୁ ଦେଉନାହିଁ। ୨୦୧୯ରେ ଓଡ଼ିଶାରେ ବିଜେପି ସରକାର ଗଠନ ହେବା ପରେ କେନ୍ଦ୍ରୀୟ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବାକୁ କେମିତି ଅଟକାଇବ ବୋଲି ପ୍ରଶ୍ନ କରିଛନ୍ତି ଶାହ।</p> <p>&lt;span style=&quot;color: #ff0000;&quot;&gt;୪ ଲକ୍ଷ କୋଟି ଟଙ୍କାର ହିସାବ ମାଗିଲେ ଶାହ&lt;/span&gt;<br /> କାର୍ଯ୍ୟକର୍ତ୍ତାଙ୍କୁ ଉଦ୍&zwnj;ବୋଧନ ଦେବା ବେଳେ ଶାହ କହିଛନ୍ତି- &ldquo;ଏଠାକୁ ମୁଁ ବିଜେପି ସରକାରଙ୍କ ହିସାବ ଦେବାକୁ ଆସିନାହିଁ। ୧୮ ବର୍ଷ ହେଲା ଓଡ଼ିଶାକୁ ଶାସନ କରୁଥିବା ବିଜେଡି ସରକାରକୁ ହିସାବ ମାଗିବାକୁ ଆସିଛି। ଯେଉଁଠି ବିଜେପି ସରକାର ଅଛି ସେଠାରେ ବିକାଶ ଯେଉଁଠୁ ଯେଉଁଠି ପହଞ୍ଚି ଯାଇଛି। ହେଲେ ଏହି ୧୮ ବର୍ଷ ମଧ୍ୟରେ ଓଡ଼ିଶା ଯେଉଁଠି ଥିଲା ସେହିଠି ଅଛି। ୩ ବର୍ଷ ମଧ୍ୟରେ କେନ୍ଦ୍ର ସରକାର ପ୍ରାୟ ୪ ଲକ୍ଷ କୋଟି ଟଙ୍କା ଓଡ଼ିଶାକୁ ଦେଇଛନ୍ତି। ହେଲେ ଏହା ଲୋକଙ୍କ ପାଖରେ ପହଞ୍ଚିଛି ନାହିଁ। ଏହି ଅର୍ଥ କୁଆଡେ ଗଲା ନବୀନ ବାବୁ ଓଡ଼ିଶାର ଲୋକଙ୍କୁ ହିସାବ ଦିଅନ୍ତୁ। ଆମେ ଏହି ଟଙ୍କା ଦେଇ କୌଣସି ବଡ଼ କାମ କରିନାହୁଁ। ଏହା ଓଡ଼ିଶାବାସୀଙ୍କ ଅଧିକାର। ହେଲେ ଏହି ଟଙ୍କା ଗାଁରେ ପହଞ୍ଚାଇବା କାମ ଓଡ଼ିଶା ସରକାରଙ୍କର। ନବୀବ ବାବୁ ଏହା ଲୋକଙ୍କ ପାଖରେ ପହଞ୍ଚଛି ନା ବାଟରୁ ବାଟରୁ ଉଡି ଯାଇଛି ତାହାର ହିସାବ ଦିଅନ୍ତୁ।&rdquo;<br /> &lt;span style=&quot;color: #ff0000;&quot;&gt;ଶାହଙ୍କ ପ୍ରଶ୍ନବାଣ&lt;/span&gt;<br /> ବିଭିନ୍ନ ମୌଳିକ ସୁବିଧାକୁ ନେଇ ଅମିତ ଶାହ ରାଜ୍ୟ ସରକାରଙ୍କୁ ପ୍ରଶ୍ନବାଣରେ ପୋତି ପକାଇଛନ୍ତି। ଓଡ଼ିଶାର ସବୁ ଘରକୁ ପିଇବା ପାଣି ପହଞ୍ଚିଛି କି ନାହିଁ ବିଜେଡି ସରକାରକୁ ପ୍ରଶ୍ନ କରିଛନ୍ତି ଶାହ। ଏହାସହ ସବୁ ଗାଁକୁ ୨୪ ଘଣ୍ଟିଆ ବିଦ୍ୟୁତ୍&zwnj; ଯୋଗାଣ ହେଉଛି କି ନାହିଁ, ସମସ୍ତଙ୍କ ଘରେ ସୌଚାଳୟ ନିର୍ମାଣ ହୋଇଛି କି ନାହିଁ, ସ୍ୱାସ୍ଥ୍ୟ ସେବା ମୃଣମୂଳ ସ୍ତରରେ ପହଞ୍ଚିଛି କି ନାହିଁ, ସବୁ ଗାଁକୁ ରାସ୍ତା ନିର୍ମାଣ ହୋଇଛି କି ନାହିଁ, ନୂଆ କାରଖାନା ବସିଛି କି ନାହିଁ ବୋଲି ପଚାରିଛନ୍ତି ଶାହ। ସେ କହିଛନ୍ତି- &ldquo;ଯଦି ସବୁ କଥାରେ ନାହିଁ ନାହିଁ କହୁଛ, ତେବେ ନବୀନ ବାବୁ ୧୮ ବର୍ଷରେ କ&rsquo;ଣ କରୁଛ।&rdquo;<br /> &lt;span style=&quot;color: #ff0000;&quot;&gt;ଓଡ଼ିଶାରେ କାମ ମିଳୁନି&lt;/span&gt;<br /> ଏଠାରେ ରାଜ୍ୟର ଯୁବକଯୁବତୀଙ୍କୁ କାମ ମିଳୁନାହିଁ। ନବୀନ ବାବୁ କିଛି କରନ୍ତୁ ଅବା ନ କରନ୍ତୁ ଓଡ଼ିଶାରେ ବେରୋଜଗାର ବଢାଇବା କାମ କରିଛନ୍ତି। ଦେଶର ଯେକୌଣସି ରାଜ୍ୟର ଶିଳ୍ପ ସଂସ୍ଥାକୁ ଯାଇ ଶ୍ରମିକଙ୍କୁ କେଉଁଠୁ ଆସିଛନ୍ତି ବୋଲି ପଚାରିବ ଉତ୍ତର ପାଇବ ଓଡ଼ିଶାରୁ। ଦେଶର ବିକାଶରେ ଓଡ଼ିଆ ଭାଇଙ୍କ ଝାଳବୁହା ପରିଶ୍ରମ ରହିଛି। ଦୁଃଖ ଲାଗୁଛି ଓଡ଼ିଶାର ଲୋକ ଅନ୍ୟ ରାଜ୍ୟକୁ ଯାଇ ବିକାଶ କରିପାରୁଛନ୍ତି, ହେଲେ ଓଡ଼ିଶାର ବିକାଶ କରିପାରୁ ନାହାଁନ୍ତି।<br /> ଆମେ ଏମିତି ଓଡ଼ିଶାର ପରିକଳ୍ପନା କରୁଛି ଯେଉଁଠି ଓଡ଼ିଶାର ଲୋକେ ନିଜ ଅଞ୍ଚଳରେ ପରିବାର ସହ ରହି ରାଜ୍ୟର ବିକାଶରେ ଯୋଗଦାନ କରିପାରିବେ ବୋଲି ଶାହ କହିଛନ୍ତି।<br /> &lt;span style=&quot;color: #ff0000;&quot;&gt;ଏଠାରେ ସବୁଠି ଘୋଟାଲା&lt;/span&gt;<br /> ଓଡ଼ିଶାରେ ସବୁଠି ଘୋଟାଲା ହିଁ ଘୋଟାଲା। ଚିଟଫଣ୍ଡ ଜରିଆରେ ଓଡ଼ିଶାର ଗରିବଙ୍କୁ ଲୁଟ୍&zwnj; କରାଯାଇଛି। ଲୁଟ୍&zwnj; ଏପରି ହୋଇଛି ଯେ, ଏହି ଲୁଟାରାଙ୍କୁ ଲାଇନ୍&zwnj;ରେ ଛିଡା କରିଦେଲେ ଭୁବନେଶ୍ୱରରୁ ଦିଲ୍ଲୀ ପର୍ଯ୍ୟନ୍ତ ଲାଇନ୍&zwnj; ଲାଗିଯିବ। ବିଜେପି ସରକାର ଆସିବା ପରେ ସବୁ ଲୁଟେରାଙ୍କୁ ଜେଲ୍&zwnj;ରେ ଦେଖିବାକୁ ପାଇବ ବୋଲି କହିଛନ୍ତି ଶାହ।<br /> କେନ୍ଦ୍ରରେ ନରେନ୍ଦ୍ର ମୋଦିଙ୍କ ନେତୃତ୍ୱରେ ୩ ବର୍ଷ ହେଲା ବିଜେପି ସରକାର ଅଛି। ଏହି ସମୟ ମଧ୍ୟରେ ଜଣେ ବି ମନ୍ତ୍ରୀଙ୍କ ବିରୋଧରେ ଭ୍ରଷ୍ଟାଚାର ଅଭିଯୋଗ ଆସିନାହିଁ। ମୋଦିଙ୍କ ନେତୃତ୍ୱରେ ସାରା ଦେଶରେ ବିକାଶ ହେଉଛି। ହେଲେ ଓଡ଼ିଶା ଏହି ବିକାଶଧାରାରୁ ବହୁ ଦୂରରେ ରହିଛି।</p>