ବରଗଡ଼ରୁ ଚାଷୀ ବଞ୍ଚାଅ ଆନ୍ଦୋଳନ ଆରମ୍ଭ କରିବେ ରାହୁଲ ଗାନ୍ଧୀ: ପିସିସି ସଭାପତି

ବରଗଡ଼: ବରଗଡ଼ରୁ କଂଗ୍ରେସ ଆରମ୍ଭ କରିବ ଚାଷୀ ବଞ୍ଚାଅ ଆନ୍ଦୋଳନ। କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଏହା ଆରମ୍ଭ କରିବେ। ପ୍ରଦେଶ କଂଗ୍ରେସ କମିଟି ସଭାପତି ପ୍ରସାଦ ହରିଚନ୍ଦନ ବରଗଡ଼ ଜିଲ୍ଲା ଗସ୍ତରେ ଆସି ସାମ୍ୱାଦିକ ସମ୍ମିଳନୀରେ ଏହା କହିଛନ୍ତି। ପ୍ରସାଦ ସରକାରଙ୍କ ଉପରେ ବର୍ଷି କହିଛନ୍ତି ଯେ ସରକାର ଭୁଲ ନୀତି ଯୋଗୁଁ ଚାଷୀ ଆତ୍ମହତ୍ୟା ଘଟଣା ବଢି ଚାଲିଛି। ଜିଲ୍ଲାର କଦଳିପାଲି, ଅଡଗାଁ, ଦେବାହାଲ, ସାପଲହର ଗ୍ରାମରେ ଚାଷ ପାଇଁ ଆଣିଥିବା କରଜ ଟଙ୍କ। ସୁଝିନପାରି ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଚାଷରେ ଅଧିକ ଖର୍ଚ୍ଚ କରି ତାଠାରୁ କମ ପାଉଛନ୍ତି। ଧାନର ସହାୟକ ମୁଲ୍ୟ ମଧ୍ୟ ପାଇପାରୁନାହାନ୍ତି। ତେଣୁ କଂଗ୍ରେସ ଚାଷୀ ବଞ୍ଚାଅ କାର୍ଯ୍ୟକ୍ରମ କରିବ। ସେହିପରି ଓଡ଼ିଶା ସରକାର ବିଧାନସଭାରେ ବିରୋଧୀ ଦଳର କଣ୍ଠରୋଧ କରିଥିବା ବେଳେ ପଶ୍ଚିମ ଓଡିଶାବାସୀଙ୍କୁ ସବୁବେଳେ ଅବହେଳିତ କରିଥିବା ସେ କହିଛନ୍ତି। ତେବେ ଏନେଇ ବିଜେଡିର ପ୍ରତିକ୍ରିୟା ମିଳିପାରିନାହିଁ।