ସମବେଦନା ଭୁଲିଗଲେଣି, ଧମକାଉଛନ୍ତି ସରକାର: ନିଆଁରେ ଘିଅ ଢ଼ାଳିଲେ ଜୁଏଲ

<p>ରାଉରକେଲା (ଓଡ଼ିଶା ରିପୋର୍ଟର): କେନ୍ଦ୍ରମନ୍ତ୍ରୀ ଜୁଏଲ ଓରାମ ରାଜ୍ୟ ସରକାରଙ୍କ ଉପରେ ଦେଇଥିବା ଟପ୍ପଣୀ ସମ୍ପ୍ରତି ରାଜ୍ୟର ଚାଷୀ ଆତ୍ମହତ୍ୟା ପ୍ରସଙ୍ଗରେ ଘିଅରେ ନିଆଁ ଢ଼ାଳିଲା ଭଳି ହୋଇଛି। ଗତକାଲି କୃଷିମନ୍ତ୍ରୀ କ୍ଷେତରେ ନିଆଁ ଲଗାଇଥିବା ଚାଷୀଙ୍କୁ କ୍ଷତିପୂରଣ ମିଳିବ ନାହିଁ ବୋଲି ବିବୃତି ଦେଇଥିଲେ। ଏହା କ୍ଷତିଗ୍ରସ୍ତ ଚାଷୀଙ୍କୁ ଧମକାଇଲା ଭଳି କଥା। ଯାହା ସେମାନଙ୍କୁ ମର୍ମାହତ କରିଛି ବୋଲି ଓରାମ କହିଛନ୍ତି। ଗତକାଲି କୃଷିମନ୍ତ୍ରୀଙ୍କ ବୟାନ ପରେ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇଥିଲା। ଏପରିକି ବରଗଡ଼ରେ କ୍ଷେତରେ ନିଆଁ ଲଗାଇ ଆତ୍ମହତ୍ୟା କରିଥିବା ଚାଷୀ ବୃନ୍ଦାବନ ସାହୁଙ୍କ ଝିଅ ଓ ବିଜେପି ରାଜ୍ୟ ସଭାପତି ବସନ୍ତ ପଣ୍ଡା କୃଷିମନ୍ତ୍ରୀଙ୍କ ଇସ୍ତଫା ଦାବି କରିଥିଲେ।</p> <p>ରାଉରକେଲାରେ ଆୟୋଜିତ ଏକ କାର୍ଯ୍ୟକ୍ରମରେ ଜୁଏଲ୍&zwnj; କହିଛନ୍ତି-&ldquo;ନିମ୍ନମାନର କୀଟନାଶକ ଯୋଗୁଁ ରାଜ୍ୟରେ ୪ ଲକ୍ଷରୁ ଅଧିକ ଜମିରେ ଫସଲ ନଷ୍ଟ ହୋଇଯାଇଛି। ଏହି ଘଟଣାର ଉଚ୍ଚସ୍ତରୀୟ ତଦନ୍ତ କରାଯାଇ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଏହାଛଡ଼ା ନିମ୍ନମାନର କୀଟନାଶକ ବିକ୍ରି କରୁଥିବା ଡିଲର ଓ ହୋଲ୍&zwnj;ସେଲରଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ କରାଯାଉ। ରାଜ୍ୟରେ କୃଷି ବିଶେଷଜ୍ଞ ଥାଇ କଣ ପାଇ ଠିକ୍&zwnj; ସମୟରେ ସରକାର ଲେଡା ପୋକ ଲାଗିବା ରିପୋର୍ଟ ପାଇପାରିଲେ ନାହିଁ, ତାହାର ତଦନ୍ତ ହେବା କଥା। ମାତ୍ର ଏପରି ସ୍ଥଳେ ରାଜ୍ୟ ସରକାର ଘଟଣାର ତଦନ୍ତ କରିବା ପରିବର୍ତ୍ତେ ଚାଷୀଙ୍କୁ ଧମକ ଦେବା ଅତ୍ୟନ୍ତ ନିନ୍ଦନୀୟ ଓ ଦୁର୍ଭାଗ୍ୟର ବିଷୟ। ଏହାକୁ ଚାଷୀକୁଳ କେବେ ହେଲେ ବରଦାସ୍ତ କରିବେ ନାହିଁ।&rdquo;</p> <p>ସେ କହିଛନ୍ତି-&ldquo;କେବଳ ବରଗଡ଼ ଜିଲ୍ଲାରେ ଚାଷୀ ଆତ୍ମହତ୍ୟା କରୁନାହାନ୍ତି। ସମଗ୍ର ରାଜ୍ୟରେ ଚାଷୀ ଆତ୍ମହତ୍ୟା କରୁଥିବା ଖବର ପ୍ରକାଶ ପାଉଛି। ଏଥିରେ କେନ୍ଦ୍ର ସରକାର ହସ୍ତକ୍ଷେପ କରିନାହାନ୍ତି। ରାଜ୍ୟ ସରକାରଙ୍କ ପଦକ୍ଷେପ ଉପରେ ନଜର ରଖିଛନ୍ତି। ଆବଶ୍ୟକ ପଡ଼ିଲେ କେନ୍ଦ୍ର ସରକାର ଏଥିରେ ହସ୍ତକ୍ଷେପ କରିବେ।&rdquo;</p>