ବମିଖାଲ ଓଭରବ୍ରିଜ୍‌ ଭୁଶୁଡିବା ଘଟଣା: ବିରୋଧୀଙ୍କ ଟାର୍ଗେଟ୍‌ରେ ମୁଖ୍ୟମନ୍ତ୍ରୀ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବମିଖାଲରେ ନିର୍ମାଣଧୀନ ଓଭରବ୍ରିଜ୍&zwnj; ଆଜି ପ୍ରାୟ ସାଢେ ୧୨ଟାରେ ହଠାତ ଭୁଶୁଡି ପଡି ଜଣଙ୍କ ମୃତ୍ୟୁ ଘଟିବା ସହ ୧୫ରୁ ଅଧିକ ଆହତ ହୋଇଛନ୍ତି। ଆହତମାନଙ୍କୁ କ୍ୟାପିଟାଲ ହସ୍ପିଟାଲ ଓ ଏମ୍&zwnj;ସରେ ଭର୍ତ୍ତି କରାଯାଇଛି। ତେବେ ଏପରି ଦୁଃଖଦ ଘଟଣା ପାଇଁ ବିରୋଧୀ ଦଳମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ୍&zwnj; କରିଛନ୍ତି। ଏହି ବିଭାଗ ମୁଖ୍ୟମନ୍ତ୍ରୀଙ୍କ ଅଧୀନରେ ଥିବା ବେଳେ ଏପରି ଘଟଣା ପାଇଁ ମୁଖ୍ୟମନ୍ତ୍ରୀ ଉତ୍ତରଦାୟୀ ବୋଲି ବିରୋଧୀ ଦଳ ନେତା ନରସିଂହ ମିଶ୍ର ଏବଂ ବିଜେପି ରାଜ୍ୟ ସଭାପତି ବସନ୍ତ ପଣ୍ଡା କହିଛନ୍ତି।</p> <p>ନରସିଂହ ମେଡିକାଲକୁ ଯାଇ ଆହତଙ୍କୁ ଭେଟିବା ସହ ସେମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି। ସେ କହିଛନ୍ତି,&ldquo;ଘଟଣାଟି ଦୁର୍ଭାଗ୍ୟଜନକ ଓ ନିନ୍ଦନୀୟ। ମେଡିକାଲରେ ମୁଁ ୫ ଜଣଙ୍କ ସହ କଥା ହୋଇଛି। ଏଭଳି ଘଟଣା ଘଟିବା ପଛରେ କେଉଁଠି ନା କେଉଁଠି ଭୁଲ ରହିଛି। ଯାହାର ବି ଭୁଲ ରହିଛି, ସେ ଅକ୍ଷମଣୀୟ ଅପରାଧ କରିଛନ୍ତି।&rdquo;</p> <p>ସେ ଆହୁରି କହିଛନ୍ତି, &ldquo;ତଦନ୍ତ ତ ନିଶ୍ଚିତ ହେବ। ହେଲେ କେଉଁ ସ୍ତରରେ ହେବ ତାହା ଭିନ୍ନ କଥା। ତଦନ୍ତ କେତେଦିନ ହେବ ତାହା ମଧ୍ୟ ଦେଖିବା ଜରୁରୀ। ତଦନ୍ତ ସରିବା ବେଳକୁ ଲୋକେ ଘଟଣାକୁ ଭୁଲି ଯାଇଥିବେ। ମୋଟାମୋଟି ଭାବେ କହିବାକୁ ଗଲେ କାମ ଯେପରି ହେବା କଥା ହୋଇନାହିଁ। ଯେଉଁ ଠିକାଦାର କାମ କରୁଛି ସେ ଚରମ ଅବହେଳା କରିଛି। ଏହା ଏକ ଗୁରୁତର ପ୍ରସଙ୍ଗ, ନିଶ୍ଚିତ ଗୃହରେ ଉଠିବ।&rdquo;</p> <p>ରାଜଧାନୀ ମଧ୍ୟରେ ଏହି ଓଭରବ୍ରିଜ୍&zwnj; ନିର୍ମାଣ କରାଯାଉଥିଲା। ଏଠାରେ କାମ ହେବା ବେଳେ ଯାହା ସୁରକ୍ଷା ବ୍ୟବସ୍ଥା କରାଯିବା କଥା କରାଯାଇନାହିଁ। ଠିକାଦାର ଓ ଯନ୍ତ୍ରୀଙ୍କଠାରୁ ଆରମ୍ଭ କରି ଯିଏ ବି ଏଥିରେ ସମ୍ପୃକ୍ତ ସମସ୍ତେ ଦାୟୀ। ମୁଖ୍ୟମନ୍ତ୍ରୀଙ୍କ ଅଧୀନରେ ରହିଛି ଏହି ବିଭାଗ, ସେ ଉତ୍ତରଦାୟୀ ନିଶ୍ଚିତ ରହିବେ।&rdquo;</p> <p>ସେହିପରି ରାଜ୍ୟ ବିଜେପି ସଭାପତି ବସନ୍ତ ପଣ୍ଡା କହିଛନ୍ତି- &ldquo;ମୁଖ୍ୟମନ୍ତ୍ରୀ ଏହି ବିଭାଗର ଦାୟିତ୍ୱରେ ଅଛନ୍ତି। ତାଙ୍କ ବିଭାଗ ଲୋକଙ୍କ ଜୀବନ ସହ କେମିତି ଖେଳ ଖେଳୁଛି ଏହା ଏକ ଉଦାହରଣ।&rdquo;</p> <p>କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍&zwnj; କରି ଘଟଣା ପାଇଁ ଦୁଃଖ ପ୍ରକାଶ କରିଛନ୍ତି। ଏହାସହ ଏପରି ଘଟଣା ପାଇଁ ଯିଏ ଦାୟୀ ତାଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେବା ଜରୁରୀ ବୋଲି କହିଛନ୍ତି।</p>