ନଭେମ୍ବର ୧୪ ଶିଶୁ ଦିବସକୁ ଧୁମ୍‌ଧାମରେ ପାଳିବେ ରାଜ୍ୟ ସରକାର

<p>ଭୁବନେଶ୍ୱର: ଆସନ୍ତା ନଭେମ୍ବର ୧୪ ଶିଶୁ ଦିବସକୁ ରାଜ୍ୟବ୍ୟାପୀ ପାଳନ କରିବେ ରାଜ୍ୟ ସରକାର। ଏଥିପାଇଁ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି।&nbsp; ଯୋଜନା ଅନୁସାରେ ପିଲାଙ୍କ ମଧ୍ୟରେ ସ୍କୁଲ ସ୍ତରରୁ ଆରମ୍ଭ କରି&nbsp; ରାଜ୍ୟସ୍ତରୀୟ ପର୍ଯ୍ୟନ୍ତ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେବ। ଏହାସହ ଭୁବନେଶ୍ୱର କ୍ୟାପିଟାଲ ହାଇସ୍କୁଲ ପଡ଼ିଆରେ ରାଜ୍ୟସ୍ତରୀୟ ଶିଶୁ ମହୋତ୍ସବ ଅନୁଷ୍ଠିତ ହେବ। ଏହି ଅବସରରେ ରାଜ୍ୟବାସୀଙ୍କୁ ଉଦବୋଧନ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହାକୁ ପ୍ରତ୍ୟେକ&nbsp; ପିଲା, ସେମାନଙ୍କର ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀ ଦେଖିବେ। ଯେଉଁ ସ୍କୁଲରେ ଟିଭି ଅଛି ଏହାକୁ ବ୍ୟବହାର କରାଯିବ।&nbsp; ଯାହାର ଟିଭି ନାହିଁ ସେମାନେ ଭଡାରେ ଆଣିବେ। &nbsp;କାର୍ଯ୍ୟକ୍ରମରେ ଯେପରି ଅଧିକରୁ ଅଧିକ ଅଭିଭାବକ ସାମିଲ ହେବେ ସେଥିପାଇଁ ଆସନ୍ତା&nbsp; ୧୧ତାରିଖରେ ସ୍କୁଲ ସ୍ତରରେ ଅଭିଭାବକ ଓ ଶିକ୍ଷକଙ୍କ ବୈଠକ ଅନୁଷ୍ଠିତ ହେବ।</p> <p>ଶିଶୁ ଦିବସ ଅବସରରେ ପ୍ରଥମରୁ ପଞ୍ଚମ ଶ୍ରେଣୀ ପିଲାଙ୍କ ମଧ୍ୟରେ ରଚନା ପ୍ରତିଯୋଗିତା&nbsp; ଅନୁଷ୍ଠିତ ହେବ। ସେହିପରି ଷଷ୍ଠରୁ ଅଷ୍ଟମ ପିଲାଙ୍କ ମଧ୍ୟରେ କବିତା ଓ ଅଷ୍ଟମରୁ ଦଶମ&nbsp; ଶ୍ରେଣୀ ପିଲାଙ୍କ ମଧ୍ୟରେ ବକୃତା ପ୍ରତିଯୋଗିତା ଅନୁଷ୍ଠିତ ହେବ। ଏଥିପାଇଁ ବିଦ୍ୟାଳୟ ଓ&nbsp; ଗଣଶିକ୍ଷା ବିଭାଗ ପକ୍ଷରୁ ବିଭିନ୍ନ ବିଷୟ ମଧ୍ୟ ଦିଆଯାଇଛି। &nbsp;ପ୍ରତିଯୋଗିତାରେ ପ୍ରତି ଜିଲ୍ଲାରୁ&nbsp; ୧୨୦୦ ପିଲା ଅଂଶଗ୍ରହଣ କରିବେ।&nbsp; ପ୍ରଥମ ଥର ପାଇଁ ରାଜ୍ୟ ସରକାରଙ୍କ ପକ୍ଷରୁ ଏଭଳି&nbsp; କାର୍ଯ୍ୟକ୍ରମ ଆୟୋଜନ କରାଯାଉଛି।</p> <p>&amp;nbsp;</p>