ବଦଳୁଥିବା ଜୀବନ ଶୈଳୀରେ ଆମେ ଅଧିକ ଜଙ୍କ୍ ଫୁଡ୍ ଖାଇବାକୁ ପସନ୍ଦ କରୁଛୁ। ଏଥିପାଇଁ ଫୁଡ୍ ପଏଜନିଂ ଭଳି ସମସ୍ୟା ଅଧିକ ମାତ୍ରାରେ ଦେଖାଯାଉଛି। ସେହିପରି ଖାଇବା ପିଇବାରେ ଆସାବଧାନତା ଯୋଗୁଁ ପେଟରେ ବ୍ୟାକ୍ଟେରିଆ ପ୍ରବେଶ କରି ଫୁଡ୍ ପଏଜନ୍ ଭଳି ସମସ୍ୟା ସୃଷ୍ଟି କରୁଛି। ଶରୀରରେ ରୋଗ ପ୍ରତିରୋଧକ ଶକ୍ତି କମିଗଲେ ମଧ୍ୟ ଫୁଡ୍ ପଏଜନ ହୋଇଥାଏ। ବାରମ୍ବାର ଏହି ସମସ୍ୟା ଦେଖା ଦେଉଥିଲେ ହେଳା ନ କରି ତୁରନ୍ତ ଡାକ୍ତର ପରାମର୍ଶ କରନ୍ତୁ। ତେବେ କେତୋଟି ଘରୋଇ ଉପଚାର ଆପଣାଇଲେ ମଧ୍ୟ ଏହି ସମସ୍ୟାକୁ ସବୁଦିନ ପାଇଁ ମୁକ୍ତି ମିଳିପାରିବ। ଆସନ୍ତୁ ଜାଣିବା ସେଇ ଘରୋଇ ଉପଚାର ଗୁଡ଼ିକ ସଂପର୍କରେ।
ଅଦା: ଅଦା ପାଚନ ସମସ୍ୟା ଦୂର କରେ। ଫୁଡ୍ ପଏଜନିଂ ସମସ୍ୟାରୁ ରକ୍ଷା ପାଇବାକୁ ହେଲେ ଅଦା ଚାହା ପିଅନ୍ତୁ। କାରଣ ଅଦା ଫୁଡ୍ ପଏଜନିଂ ସମସ୍ୟା ସୃଷ୍ଟି କରୁଥିବା ବ୍ୟାକ୍ଟେରିଆକୁ ନଷ୍ଟ କରିଥାଏ।
ଜିରା: ପ୍ରତିଦିନ ଗୋଟିଏ ଚାମଚ ଜିରାକୁ ପେଷି ତା’ ପାଉଡର ଖାଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ। କାରଣ ଜିରା ପାଚନ ଶକ୍ତି ବଢ଼ାଇବା ସହିତ ଫୁଲା କମାଇ ଥାଏ।
କଦଳୀ: ଡାଇରିଆ ଓ କୋଷ୍ଟକାଠିନ୍ୟ ପାଇଁ କଦଳୀ ଗୋଟିଏ ଉପକାରୀ ଫଳ। ଫୁଡ ପଏଜନିଂ ସମସ୍ୟାରୁ ମୁକ୍ତି ପାଇଁ କଦଳୀ ବହୁତ ଉପକାରୀ ହୋଇଥାଏ। ଏହି ସମୟରେ ଗୋଟିଏ କିମ୍ବା ଦୁଇଟି କଦଳୀ ଖାଇବା ଆବଶ୍ୟକ। ଅଧିକ ଖାଇଲେ ଡାଇରିଆ ହୋଇପାରେ।
ଖାଇବା ପିଇବାରେ ଧ୍ୟାନ ରଖନ୍ତୁ। ବାହାର ଖାଦ୍ୟ ଖାଇବା ଓ ଦୂଷିତ ପାଣି ବ୍ୟବହାର କରିବାରୁ ଦୂରେଇ ରୁହନ୍ତୁ।