କୁନ୍ଦୁଲି ଅପରାଧୀଙ୍କୁ ଛାଡି ଓଟିଭି ପଛରେ ପଡିଛି କ୍ରାଇମ୍‌ବ୍ରାଞ୍ଚ

<p>ଭୁବନେଶ୍ୱର(ଓଡିଶା ରିପୋର୍ଟର): ବିଜେଡି ସରକାରରେ ଗଣମାଧ୍ୟମ ଉପରେ ଅଙ୍କୁଶ ଲଗାଇବାକୁ ପୁଣି ଆରମ୍ଭ ହୋଇଛି ପ୍ରୟାସ। ଓଡିଶାର ନମ୍ବର ୱାନ୍&zwnj; ନ୍ୟୁଜ୍&zwnj; ଚ୍ୟାନେଲ ଓଟିଭି ଉପରେ ଅଯଥାରେ ଦାଉ ସାଧୁଛି ସରକାରୀ କଳ। କୁନ୍ଦୁଲି ମାମଲାରେ ଫୋରେନସିକ୍ ଲାବ୍ ରିପୋର୍ଟ କେଉଁଠୁ ମିଳିଲା ଏହାକୁ ନେଇ ଆରମ୍ଭ ହୋଇଛି ଖୋଲତାଡ୍&zwnj;। କ୍ରାଇମ୍&zwnj;ବ୍ରାଞ୍ଚ ପକ୍ଷରୁ ନିଜ କାର୍ଯ୍ୟାଳୟକୁ ଡକାଇ ଓଟିଭି ପ୍ରତିନିଧିଙ୍କ ଉପରେ କ୍ରାଇମବ୍ରାଞ୍ଚ&nbsp; ଚାପ ପକାଇଛି। ପଚାରିଛି଼- &ldquo;କେଉଁଠୁ ପାଇଲ? ସୋର୍ସ କୁହ&rdquo;।</p> <p>ଗଣମାଧ୍ୟମ ଉପରେ ଅଙ୍କୁଶ ଲଗାଇବାକୁ ସରକାରୀ କଳର ଏହା ଏକ ବିପଦ୍&zwnj;ଜନକ ପଦକ୍ଷେବ। ଏଭଳି ଧାରା ଜାରି ରହିଲେ ସାମ୍ବାଦିକ ଓ ଗଣମାଧ୍ୟମ ସଂସ୍ଥାର ସ୍ୱାଧୀନତା ହନନ ହେବ ବୋଲି ଏବେ ରାଜ୍ୟବ୍ୟାପୀ ଚର୍ଚ୍ଚା ଜୋର ଧରିଛି।</p> <p>ସୂଚନାଯୋଗ୍ୟ, କୁନ୍ଦୁଲି ଗଣଦୁଷ୍କର୍ମ ମାମଲାର ତଦନ୍ତ କରୁଥିବା କ୍ରାଇମ୍&zwnj;ବ୍ରାଞ୍ଚ, ତଦନ୍ତର ମୂଳ ଦିଗକୁ ଭୁଲି ଏବେ ଏକ ନିର୍ଦ୍ଦିଷ୍ଟ ଗଣମାଧ୍ୟମ ପିଛା ଲାଗିବା ନିଶ୍ଚିତ ଏକ ଗର୍ହିତ କାର୍ଯ୍ୟ ବୋଲି କହିଛନ୍ତି ରାଜ୍ୟର ବରିଷ୍ଠ ସାମ୍ବାଦିକମାନେ।</p> <p>&amp;nbsp;</p> <p>ଜଣେ ସାମ୍ବାଦିକ ନିଜ ସୋର୍ସ ବା ଖବର ସଂଗ୍ରହର ଉତ୍ସ କହିବାକୁ ବାଧ୍ୟ ନୁହଁନ୍ତି। ଏହା ସାମ୍ବାଦିକତାର ଗୋଟିଏ ଭିତ୍ତି। ସତ୍ୟକୁ ସାମ୍ନାକୁ ଆଣିବାକୁ ଖବର ପରିବେଷଣ କରାଯାଉଥିବା ବେଳେ ସୋର୍ସକୁ ଯଥାସମ୍ଭବ ଗୋପନୀୟ ରଖିବାକୁ ସର୍ବଦା ଚେଷ୍ଟା କରାଯାଇଥାଏ। ହେଲେ କାହା ଇଙ୍ଗିତରେ କ୍ରାଇମ୍&zwnj; ବ୍ରାଞ୍ଚ ସୋର୍ସ ଖୋଜାରେ ଲାଗିଛି ତାକୁ ନେଇ ପ୍ରଶ୍ନ ସୃଷ୍ଟି ହୋଇଛି।</p> <p>କୁନ୍ଦୁଲି ଘଟଣାରେ ଅଭିଯୁକ୍ତଙ୍କୁ ଧରିବାକୁ ଗୁରୁତ୍ୱ ନ ଦେଇ ସାମ୍ବାଦିକଙ୍କ ସୋର୍ସ ଖୋଜିବା ପଛରେ ପଡ଼ିଛି କ୍ରାଇମ୍&zwnj;ବ୍ରାଞ୍ଚ । ତଦନ୍ତ ଆଳରେ ପଚାରିଛି କୁନ୍ଦିଲି ପୀଡିତାଙ୍କ ଫୋରେନ୍&zwnj;ସିକ୍ ରିପୋର୍ଟ କେମିତି ଓ କେଉଁଠୁ ଓଟିଭି ପାଇଲା ? ଏପରିକି ଅପରାଧିକ ମାମଲାର ତଦନ୍ତ ଭଳି ଚାପ ପକାଯାଉଛି ଓଟିଭି ପ୍ରତିନିଧିଙ୍କ ଉପରେ।</p> <p>ସୂଚନାଯୋଗ୍ୟ, ୨୫. ୦୧. ୨୦୧୮&nbsp; କୁନ୍ଦିଲି ମାମଲାରେ ଓଟିଭି ହାସଏ କରିଥିବା ଷ୍ଟେଟ୍ ଫୋରେନ୍&zwnj;ସିକ୍&zwnj; ଲାବ୍&zwnj;ର ଏକ ରିପୋର୍ଟକୁ ନେଇ ହଇଚଇ ଖେଳି ଯାଇଥିଲା। କାରଣ କ୍ରାଇମ୍&zwnj;ବ୍ରାଞ୍ଚ ଜାତୀୟ ମାନବାଧିକାର କମିଶନ୍&zwnj;(ଏନ୍ଏଚ୍ଆରସି)ରେ ଦାଖଲ କରିଥିବା ରିପୋର୍ଟ ଏବଂ&nbsp; ଓଟିଭି ପାଇଥିବା ଷ୍ଟେଟ୍ ଫୋରେନ୍ସିକ୍ ଲାବ୍&zwnj; ରିପୋର୍ଟ ଭିତରେ ଥିଲା ଆକାଶ ପାତାଳ ପ୍ରଭେଦ। କ୍ରାଇମବ୍ରାଞ୍ଚ ଦାଖଲ କରିଥିବା ଫୋରେନ୍&zwnj;ସିକ୍ ଲାବ୍ ରିପୋର୍ଟରେ ପୀଡ଼ିତାଙ୍କ ଅନ୍ତଃବସ୍ତ୍ରରେ ବାହ୍ୟବସ୍ତୁ ନ ଥିବା ଉଲ୍ଲେଖ ଥିବାବେଳେ ଓଟିଭି ପାଇଥିବା ଫୋରେନ୍&zwnj;ସିକ୍&zwnj; ଲାବ୍&zwnj; ରିପୋର୍ଟରେ ଅନ୍ତଃବସ୍ତ୍ରରେ ଦୁଇଜଣଙ୍କ ସିମେନ୍ ବା ବୀର୍ଜ ନମୁନା ଥିବା ଉଲ୍ଲେଖ ଥିଲା। ମାମଲାର ଗୁରୁତ୍ୱ ଦୃଷ୍ଟିରୁ ଏକ ଦାୟିତ୍ୱବାନ୍&nbsp; ଗଣମାଧ୍ୟମ ଭାବେ ଓଟିଭି ଏହାର ପ୍ରସାରଣ କରିଥିଲେ ବି ପରବର୍ତ୍ତୀ ସମୟରେ ଓଟିଭି ପ୍ରସାରଣ କରିଥିବା ରିପୋର୍ଟକୁ ଇଣ୍ଟରଡିଭିଜିନାଲ୍ ରିପୋର୍ଟ ବୋଲି ଲାବ୍ ପକ୍ଷରୁ କୁହାଯାଇଥିଲା। ଏପରିକି ଏହା ଚୂଡ଼ାନ୍ତ ରିପୋର୍ଟ ନୁହେଁ ବୋଲି ସ୍ପଷ୍ଟ କରାଯାଇଥିଲା । ଏଣୁ ରିପୋର୍ଟ କେମିତି ବାହାରକୁ ଆସିଲା ଡିଜିଙ୍କ ନିର୍ଦ୍ଦେଶକ୍ରମେ ତାର ତଦନ୍ତ ଆରମ୍ଭ କରିଥିଲା କ୍ରାଇମ୍&zwnj;ବ୍ରାଞ୍ଚ । ହେଲେ ଘଟଣାର ଦୁଇ ମାସ ପରେ କୁନ୍ଦୁଲି ମୂଳ ମାମଲାକୁ ଛାଡ଼ି କ୍ରାଇମ୍&zwnj;ବ୍ରାଞ୍ଚ ଏବେ ଯେମିତି ଓଟିଭି ପଛରେ ପଡିଯାଇଛି । ଓଟିଭି ରିପୋର୍ଟ କେମିତି ପାଇଲା, ଖବରର ସୋର୍ସ କିଏ? ତାହାହିଁ ଯେମିତି ହୋଇଯାଇଛି ତଦନ୍ତର ମୂଳ ଉଦ୍ଦେଶ୍ୟ ।</p> <p>ସମନ୍ ପାଇ ତଦନ୍ତରେ ସହଯୋଗ ଲାଗି ଗୁରୁବାର ଭୁବନେଶ୍ୱରସ୍ଥିତ କ୍ରାଇମ୍&zwnj;ବ୍ରାଞ୍ଚ ଅଫିସ୍&zwnj;କୁ ଯାଇଥିବା ଓଟିଭି ପ୍ରତିନିଧିଙ୍କୁ ତଦନ୍ତକାରୀ ଅଧିକାରୀ ପ୍ରସଙ୍ଗ ବାହାର ପ୍ରଶ୍ନ କରି ହଇରାଣ କରିଥିଲେ । ଏପରିକି ଏକ ନ୍ୟୁଜ୍&zwnj;&nbsp; ଚ୍ୟାନେଲର ସ୍ୱାଧୀନତାରେ ହସ୍ତକ୍ଷେପ କରି ଦୈନନ୍ଦିନ କାର୍ଯ୍ୟଧାରା ସମ୍ପର୍କରେ ମଧ୍ୟ ତଥ୍ୟ ନେବାକୁ ଉଦ୍ୟମ କରିଥିଲେ। ତେବେ ଏ ସମ୍ପର୍କରେ ପ୍ରତିକ୍ରିୟା ନେଇ କ୍ରାଇମ୍&zwnj; ବ୍ରାଞ୍ଚ ଏସ୍&zwnj;ପି କ&rsquo;ଣ କହିଛନ୍ତି ଶୁଣନ୍ତୁ।</p> <p>https://www.youtube.com/watch?v=g1ycG4_NgKo</p>