ପୁଣି ଉଠିଲା ପିସିସି ପରିବର୍ତ୍ତନ ଚର୍ଚ୍ଚା: ନରସିଂହଙ୍କ ଘରେ ବରିଷ୍ଠ ନେତାଙ୍କ ମେଳି

<p>ଭୁବନେଶ୍ୱର: ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଭୁବନେଶ୍ୱର ସ୍ଥିତ ସରକାରୀ ବାସଭବନରେ ଆଜି ଏକାଠି ହୋଇଥିଲେ ଦଳର କିଛି ବିଧାୟକ ଓ ନେତା। ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି, ବିଧାୟକ ନବଦାସ, ପ୍ରଫୁଲ୍ଲ ମାଝି, ଅଂଶୁମାନ ମହାନ୍ତି ଓ ଦେବ ଶର୍ମାଙ୍କୁ ଆଜି ଦେଖିବାକୁ ମିଳିଥିବା ନରସିଂହଙ୍କ ସରକାରୀ ବାସଭବନରେ। ବେଶ କେଇ ଘଣ୍ଟା ଧରି ଚାଲିଥିଲା ଆଲୋଚନା। ଏହି ନେତାମାନଙ୍କ ଏପରି ମେଳିକୁ ନେଇ ପୁଣି ଉଠିଛି ପିସିସି ପରିବର୍ତ୍ତନର ଚର୍ଚ୍ଚା।</p> <p>[vc_video link=&quot;&quot; align=&quot;center&quot;]</p> <p>ମାତ୍ର ବିଧାୟକ ନବ ଦାସ ଏପରି ଚର୍ଚ୍ଚାକୁ ଖଣ୍ଡନ କରିବା ସହ କହିଛନ୍ତି,&ldquo;ଏହା ଏକ ରୁଟିନ୍ ଆଲୋଚନା ଥିଲା।&rdquo;</p> <p>ପିସିସି ପରିବର୍ତ୍ତନ ନେଇ ଆଲୋଚନା ହୋଇଥିଲା କି ବୋଲି ଗଣମାଧ୍ୟମର ପ୍ରଶ୍ନର ଉତ୍ତରରେ ବିଧାୟକ ଅଂଶୁମାନ ମହାନ୍ତି କହିଛନ୍ତି,&ldquo;ଏ ନେଇ ମିଡିଆ ଆଗରେ ସେ ଏବେ କିଛି କହିପାରିବେ ନାହିଁ।&rdquo;</p> <p>ଅନ୍ୟପକ୍ଷରେ ତାରା, ନିରଞ୍ଜନ ଓ ନରସିଂହ ବୈଠକ ସଂପର୍କରେ କିଛି କହିବାକୁ ମନା କରିଦେଇଥିଲେ।</p> <p>ପିସିସି ପରିବର୍ତ୍ତନ ସସପେନ୍ସ ଲାଗି ରହିଥିବା ବେଳେ ବିରୋଧୀ ଦଳ ନେତାଙ୍କ ଘରେ ଏହି ମେଳିକୁ ନେଇ ଚର୍ଚ୍ଚା ଜୋର ଧରିଛି। ଆଗାମୀ ଦିନରେ କିଭଳି ଦଳର ସଂଗଠନକୁ ମଜଭୁତ କରାଯିବ ଓ ଲୋକଙ୍କ ପାଖରେ କି ବିକଳ୍ପ ପହଞ୍ଚା ଯିବ ସେ ନେଇ ଦଳରେ ଆଲୋଚନା ହୋଇଥିବା କୁହାଯାଉଛି।</p>