ସୁନା ଅଳଙ୍କାର ହଜିବା ଅଶୁଭ। ସୁନା ଅଳଙ୍କାର ହଜିଲେ ଖରାପ ସମୟ ପଡ଼ିଥାଏ ବୋଲି କୁହାଯାଏ। କେବଳ ସେତିକି ନୁହେଁ, କେଉଁ ସୁନା ଅଳଙ୍କାର ହଜିଲେ କେଉଁ ପ୍ରକାର ଅସୁବିଧା ହୁଏ ଶାସ୍ତ୍ରରେ ସେ ବିଷୟରେ ବି ଉଲ୍ଲେଖ କରାଯାଇଛି।
ନାକଫୁଲ- ନାକ ଫୁଲ ହଜିଗଲେ ଭବିଷ୍ୟତରେ ବଦନାମୀର ସମ୍ମୁଖୀନ ହେବାକୁ ପଡ଼ିଥାଏ ବୋଲି କୁହାଯାଇଛି।
ମଥାମଣି- ମୁଣ୍ଡ ଉପରେ ଲଗାଉଥିବା ମଥାମଣି ହଜିଗଲେ ଆଗାମୀ ଦିନରେ ମାନସିକ ଚାପ ଓ ଅଶାନ୍ତିର ସାମ୍ନା କରିବାକୁ ପଡ଼ିଥାଏ ବୋଲି ଶାସ୍ତ୍ରରେ କୁହାଯାଇଛି।
କାନଫୁଲ- କାନରେ ଲଗାଉଥିବା କାନଫୁଲ ହଜିଗଲେ ଦୁଃଖଦ ଖବର ଶୁଣିବାକୁ ମିଳିଥାଏ।
ହାର- ବେକର ଲଗାଉଥିବା ହାର ହଜିଗଲେ ରଖିଥିବା ଧନସମ୍ପତ୍ତି କ୍ଷୟ ହୋଇଥାଏ ବୋଲି କୁହାଯାଇଛି।
ବାଜୁବନ୍ଧ- ବାଜୁବନ୍ଧ ହଜିଗଲେ ଅର୍ଥାଭାବ ଅଭାବ ଦେଖାଯାଇଥାଏ।
ଚୁଡ଼ି- ହାତରେ ଲଗାଉଥିବା ସୁନା ଚୁଡ଼ି ହଜିଗଲେ ମାନ-ସମ୍ମାନ ହାନି ହୋଇଥାଏ।
ମୁଦି- ସୁନା ମୁଦି ହଜିଗଲେ ସ୍ୱାସ୍ଥ୍ୟଗତ ସମସ୍ୟା ଦେଖାଯାଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।