ମହାକାଶରେ ଖୋଲିବ ବିଳାସପୂର୍ଣ୍ଣ ହୋଟେଲ୍; ଗୋଟିଏ ରାତିର ଦାମ୍ ଶୁଣିଲେ ହୋସ୍ ଉଡ଼ିଯିବ

<p>&lt;a href=&quot;&quot;&gt;(image) &lt;/a&gt;ଆପଣ ମହାକାଶ ଯାତ୍ରାର ସ୍ୱପ୍ନ ଦେଖୁଛନ୍ତି କି? ଜିରୋ ଗ୍ରାଭିଟିରେ ମହାକାଶଚାରୀଙ୍କ ପରି ଭାସି ବୁଲିବାକୁ ଚାହୁଁଛନ୍ତି କି? ଗୋଟିଏ ଦିନରେ ୧୬ଥର ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ ଦେଖିବାକୁ ଚାହୁଁଛନ୍ତି କି? କିଛି ନହେଲେ ବି, ଆପଣ ପୃଥିବୀ ବାହାରେ ଛୁଟି କଟାଇବାକୁ ଚାହୁଁଛନ୍ତି କି? ଆଉ 4 ବର୍ଷ ଅପେକ୍ଷା କରନ୍ତୁ । ଆପଣଙ୍କ ଇଚ୍ଛା ୨୦୨୨ ମସିହା ସୁଦ୍ଧା ପୂରଣ ହୋଇପାରେ । କାରଣ ମହାକାଶରେ ପ୍ରଥମ ବିଳାସପୂର୍ଣ୍ଣ ହୋଟେଲ ଖୋଲିବାକୁ &#039;ଅରିଅନ୍ ସ୍ପାନ୍&#039; ନାମକ ଏକ କମ୍ପାନୀ କାଲିଫର୍ଣ୍ଣିଆରେ ଅନୁଷ୍ଠିତ ସ୍ପେଶ୍ ୨.୦&nbsp; ସମ୍ମିଳନୀରେ ଘୋଷଣା କରିଛି । ମହାକାଶରେ ସ୍ଥାପିତ ହେବାକୁ ଥିବା ଏହି ହୋଟେଲର ନାଁ ରହିବ &#039;ଅରୋରା ଷ୍ଟେସନ୍&#039; ।</p><p>ଅରୋରା ଷ୍ଟେସନ୍ ୨୦୨୧ ମସିହାରେ ପୃଥିବୀ ପୃଷ୍ଠରୁ ୩୨୨ କିଲୋମିଟର ଦୂରରେ ଅବସ୍ଥାପିତ ହେବ । ଏହା ଅନ୍ତର୍ଜାତୀୟ ମହାକାଶ କେନ୍ଦ୍ର ଆଇଏସ୍ଏସ୍ ଠାରୁ ମାତ୍ର ୮୦&nbsp; କିଲୋମିଟର ତଳେ ପୃଥିବୀକୁ ଦିନକୁ ୧୬ ଥର&nbsp; ପରିକ୍ରମା କରିବ । ପ୍ରତି ୯୦ ମିନିଟରେ ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ ଦେଖିହେବ । ସେଠାରେ ଆପଣ ମାଇକ୍ରୋ ଗ୍ରାଭିଟି ବା କ୍ଷୀଣ ମାଧ୍ୟାକର୍ଷଣରେ ଭାସିବୁଲିବେ । ମହାକାଶଚାରୀଙ୍କ ଭଳି ସମସ୍ତ ଅନୁଭୂତି ପାଇବେ । ମହାକାଶରେ ରହି ହାଇସ୍ପିଡ୍ ଇଣ୍ଟରନେଟ୍ ସାହାଯ୍ୟରେ ପୃଥିବୀରେ ଥିବା ପରିବାରଲୋକ କିମ୍ବା ବନ୍ଧୁ ଓ ପ୍ରିୟଜନଙ୍କୁ ସହ ଭିଡିଓ କଲ୍ କରିପାରିବେ । ମହାକାଶରୁ ପୃଥିବୀକୁ ଦେଖିବାର ସୁଯୋଗ ପାଇବେ ।</p><p>&lt;a href=&quot;http://odishareporter.in/wp-content/uploads/2018/04/http_2F2Fcdn.cnn_.com2Fcnnnext2Fdam2Fassets2F180406094543-1-aurora-station-1.jpg&quot;&gt;(image) &lt;/a&gt;୨୦୨୨ ମସିହା ସୁଦ୍ଧା ସେହି ହୋଟେଲରେ ରହିବା ପାଇଁ ଲୋକ ପଠାଇବା ଆରମ୍ଭ କରିବ &#039;ଅରିଅନ୍ ସ୍ପାନ୍&#039; କମ୍ପାନୀ । ତେବେ ଏଥିପାଇଁ&nbsp;କମ୍ପାନୀ ୱେବସାଇଟରେ&nbsp;ବୁକିଂ ଆରମ୍ଭ ହୋଇସାରିଛି । ହୋଟେଲରେ ଥରକେ 6ଜଣ ଲୋକ (୨ ଜଣ ସହାୟକଙ୍କ ସମେତ) ୧୨&nbsp; ଦିନ ପାଇଁ ରହିପାରିବେ । ତେବେ ଏଥିପାଇଁ ଯାତ୍ରା ପୂର୍ବରୁ ଆପଣଙ୍କୁ ୩ ମାସ ପ୍ରଶିକ୍ଷଣ ନେବାକୁ ପଡ଼ିବ ।</p><p>ଏବେ ଆସିବା ଖର୍ଚ୍ଚ ପ୍ରସଙ୍ଗକୁ । ମହାକାଶରେ ସ୍ଥାପିତ ହେବାକୁ ପ୍ରଥମ ବିଳାସପୂର୍ଣ୍ଣ ହୋଟେଲ୍ &#039;ଅରୋରା ଷ୍ଟେସନ୍&#039;ରେ ଗୋଟିଏ ଯାତ୍ରା ଅର୍ଥାତ୍ ୧୨ ଦିନ ପାଇଁ ଜଣଙ୍କୁ ୯.୫ ମିଲିୟନ୍ ଆମେରିକୀୟ ଡଲାର୍ ଅର୍ଥାତ୍ ପ୍ରାୟ ୬୨ କୋଟି ଟଙ୍କା ଦେବାକୁ ପଡ଼ିବ । ଅର୍ଥାତ୍ ଗୋଟିଏ ରାତିକୁ ପଡ଼ିବ ପ୍ରାୟ ୯କୋଟି ଟଙ୍କା । ତେବେ ଏଥିପାଇଁ ଆପଣଙ୍କୁ ଏବେଠୁ ହୋଟେଲ୍ ବୁକ୍ କରିବାକୁ ଫେରସ୍ତ ଯୋଗ୍ୟ ୮୦ ହଜାର ଡଲାର୍ ଅର୍ଥାତ୍ ପ୍ରାୟ ୫୨ଲକ୍ଷ ଟଙ୍କା ଅଗ୍ରୀମ ଦେବାକୁ ପଡ଼ିବ।</p><p>https://youtu.be/kgVMZE21EWw</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।