ରାଉରକେଲାର ସ୍ୱାର୍ଥ ପାଇଁ ଚାଲିଚାଲି ଦିଲ୍ଲୀ ଯିବେ ବସ୍ତିର ଏହି ଯୁବକ

<p>ରାଉରକେଲା( ଓଡ଼ିଶା ରିପୋର୍ଟର): ସାଧାରଣ ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଇଥିବା ପ୍ରତିଶ୍ରୁତି ପୂରଣ ହେଲାନାହିଁ। ବହୁ ପ୍ରତୀକ୍ଷିତ ଦ୍ୱିତୀୟ ବ୍ରାହ୍ମଣୀ ସେତୁ ଓ ଆଇଜିଏଚ ସୁପର ସ୍ପେଶିଆଲିଟି ନିର୍ମାଣ କାମ ଇଞ୍ଚେ ବି ଆଗେଇଲାନି। ତେଣୁ ୪ ବର୍ଷ ପରେ ପ୍ରଧାନମନ୍ତ୍ରୀଙ୍କୁ ନିଜ ପ୍ରତିଶ୍ରୁତି &nbsp;ସମ୍ପର୍କରେ ମନେ ପକାଇଦେବାକୁ ଦିଲ୍ଲୀ ବାହାରିଛନ୍ତି ରାଉରକେଲାର ଯୁବକ ମୁକ୍ତିକାନ୍ତ।</p><p>ରାଉରକେଲାରୁ ଦିଲ୍ଲୀ କୌଣସି ଯାନ ବାହାନ କିମ୍ବା ବିମାନରେ ନୁହେଁ, ପଦଯାତ୍ରାରେ ବାହାରିଛନ୍ତି ରାଉରେକଲା ଦୁଇ ନମ୍ବର ସେକ୍ଟରର ଖରିଆବହଲ ବସ୍ତିର ଯୁବକ ମୁକ୍ତିକାନ୍ତ ବିଶ୍ୱାଳ। ଆଉ ତାଙ୍କୁ ବାଟେଇବା ପାଇଁ ଏକାଠି ହୋଇଛନ୍ତି ସହରବାସୀ ଓ ବିଭିନ୍ନ ସଂଗଠନ। ଢୋଲ ବଜାଇ, ଫୁଲ ମାଳ ପିନ୍ଧାଇ ମୁକ୍ତିକାନ୍ତଙ୍କୁ ଶୁଭେଚ୍ଛା ଜଣାଇଛନ୍ତି। ତେବେ ମୁକ୍ତିକାନ୍ତଙ୍କ ଏ ଯାତ୍ରା କୌଣସି ଭ୍ରମଣ ଉଦ୍ଦେଶ୍ୟରେ ନୁହେଁ, ବରଂ ପ୍ରଧାନମନ୍ତ୍ରୀଙ୍କୁ ଭେଟିବା ପାଇଁ।</p><p>&lt;a href=&quot;&quot;&gt;(image) &lt;/a&gt;୨୦୧୪ରେ ପ୍ରଧାନମନ୍ତ୍ରୀ ମୋଦି ବହୁ ପ୍ରତୀକ୍ଷିତ ଦ୍ୱିତୀୟ ବ୍ରାହ୍ମଣୀ ସେତୁ ଓ ଆଇଜିଏଚକୁ ସୁପର ସ୍ପେଶିଆଲିଟି ହସ୍ପିଟାଲ ନିର୍ମାଣ ପାଇଁ ପ୍ରତିଶ୍ରୁତି ଦେଇଥିଲେ। କିନ୍ତୁ ୪ ବର୍ଷ ପରେ ଗୋଟିଏ ବି କାମ ଆଗେଇ ପାରିନାହିଁ। ତେଣୁ ପ୍ରଧାନମନ୍ତ୍ରୀଙ୍କୁ ମନେ ପକାଇ ଦେବାକୁ ଦିଲ୍ଲୀ ଯାତ୍ରା କରିଛନ୍ତି ମୁକ୍ତିକାନ୍ତ। ପ୍ରତିଦିନ ୨୬ କିଲୋମିଟର ଯାତ୍ରା କରି ଝାଡ଼ଖଣ୍ଡ, ବିହାର, ଉତ୍ତର ପ୍ରଦେଶ ଓ ହରିୟାଣା ଦେଇ ଦୁଇ ମାସ ଭିତରେ ଦିଲ୍ଲୀରେ ପହଞ୍ଚିବାକୁ ମୁକ୍ତିକାନ୍ତ ଯୋଜନା ରଖିଛନ୍ତି। ତାଙ୍କର ଏ କାମକୁ ତାଙ୍କ ମାଆ ପୂର୍ଣ୍ଣ ସମର୍ଥନ ଜଣାଇଛନ୍ତି।</p><p>କେନ୍ଦ୍ର ସରକାରଙ୍କ ଉଦାସୀନତାକୁ ନେଇ ବିଜେପି ବିଧାୟକ ଦିଲ୍ଲୀପ ରାୟ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି। ଆଇଜିଏଚରେ ଆବଶ୍ୟକ ଭିତ୍ତିଭୂମି ନ ଥିବା ବେଳେ ବାରମ୍ବାର ଅଭିଯୋଗ ପରେ ବି କୌଣସି ପଦକ୍ଷେପ ନିଆ ଯାଉନାହିଁ। ଏପରିକି ନିକଟ ଅତୀତରେ ବି ସୁପର ସ୍ପେଶିଆଲିଟି ହସ୍ପିଟାଲ ନିର୍ମାଣ କାମ ଆରମ୍ଭ ହେବା ଭଳି ତାଙ୍କୁ ଲାଗୁନାହିଁ ବୋଲି ସେ କହିଛନ୍ତି।</p><p>&lt;a href=&quot;http://odishareporter.in/wp-content/uploads/2018/04/vlcsnap-2018-04-18-14h13m57s089.png&quot;&gt;(image) &lt;/a&gt;କେନ୍ଦ୍ରମନ୍ତ୍ରୀ ତଥା ସ୍ଥାନୀୟ ସାଂସଦ ଜୁଏଲ ଓରାମ କହିଛନ୍ତି,&ldquo;ପ୍ରକ୍ରିୟା ଚାଲିଛି ଖୁବଶୀଘ୍ର ନିର୍ମାଣ କାମ ଆରମ୍ଭ ହେବ ।&rdquo;</p><p>ରାଉରକେଲାରେ ଦ୍ୱିତୀୟ ବ୍ରାହ୍ମଣୀ ସେତୁ ଓ ସୁପର ସ୍ପେଶିଆଲିଟି ହସ୍ପିଟାଲକୁ ନେଇ ରାଜନୈତିକ ଆରୋପ ପ୍ରତ୍ୟାରୋପ ଚାଲିଥିବା ବେଳେ ଜଣେ ସାଧାରଣ ଯୁବକଙ୍କ ପଦଯାତ୍ରା ସାଧାରଣରେ ଚର୍ଚ୍ଚାର ବିଷୟ ହୋଇଛି।</p><p>ମୁକ୍ତିକାନ୍ତ କହିଛନ୍ତି,-&ldquo;୨୦୧୫ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଉରକେଲା ଗସ୍ତରେ ଆସିଥିଲେ। ସେହି ସମୟରେ ବ୍ରାହ୍ମଣୀ ସେତୁ ଓ ଆଇଜିଏଚକୁ ସୁପର ସ୍ପେଶିଆଲିଟି ହସ୍ପିଟାଲ ନିର୍ମାଣକରିବାକୁ ପ୍ରତିଶ୍ରୁତି ଦେଇଥିଲେ। ଆଜି ପର୍ଯ୍ୟନ୍ତ ସେହି ପ୍ରତିଶ୍ରୁତି ପୂରଣ ହେଲା ନାହିଁ। ଏହି ପ୍ରତିଶ୍ରୁତିକୁ ମନେ ପକାଇବା ପାଇଁ ଏହି ପଦଯାତ୍ରା ମୁଁ କରୁଛି।&rdquo;</p><p>https://youtu.be/JnCign10oAo</p><p>&amp;nbsp;</p><p>&amp;nbsp;</p><p>&amp;nbsp;</p><p>&amp;nbsp;</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।