ନବୀନଙ୍କୁ ଶାହଙ୍କ କଟା‍କ୍ଷ-ପୁରସ୍କାର ପାଇଲେ ବିକାଶ ହେବନି;ଦାମଙ୍କ କାଉଣ୍ଟର-ଶାହ ସଟ୍ଟା ବେପାରୀ ପରି କଥା କହୁଛନ୍ତି

<p>ଭୁବନେଶ୍ୱର: ତୃଣମୂଳ ସ୍ତରରେ ସଂଗଠନକୁ ମଜବୁତ କରିବା ପାଇଁ ଓଡ଼ିଶା ଆସିଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଆଜି ଏକ ସାମ୍ବାଦିକ ସମ୍ମିଳିନୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଟାକ୍ଷ କରିଛନ୍ତି। କହିଛନ୍ତି- &ldquo;କୌଣସି ପତ୍ରିକାରୁ ପୁରସ୍କାର ନେଲେ ରାଜ୍ୟର ବିକାଶ ହୁଏନାହିଁ। ଓଡ଼ିଶାକୁ କେନ୍ଦ୍ରରୁ ବହୁତ ଆର୍ଥିକ ଅନୁଦାନ ମିଳୁଛି। କିନ୍ତୁ ସେହି ଅନୁସାରେ ବିକାଶ ହେଉନାହିଁ। ଗତ ୩ ବର୍ଷ ଭିତରେ କେନ୍ଦ୍ର ଓଡ଼ିଶାକୁ ସର୍ବାଧିକ ସହାୟତା ଦେଇଛି। ଓଡ଼ିଶାର ବିକାଶ ପାଇଁ ଆମକୁ ରାଜ୍ୟ ସରକାରଙ୍କ ସହାୟତା ମିଳୁନି। ଦାନ ମାଝୀ ଘଟଣା ରାଜ୍ୟର ଛବିକୁ ମଳିନ କରିଛି।&rdquo;</p> <p>ନବୀନଙ୍କ ନିନ୍ଦା ସହ ଶାହ ମୋଦି ସରକାରର ଜମେଇକି ଗୁଣଗାନ କରିଛନ୍ତି। କହିଛନ୍ତି- &ldquo;ମୋଦି ସରକାରର ତିନିବର୍ଷ ଭିତରେ ଦେଶରେ &zwnj;ଆମୂଳଚୁଳ ପରିବର୍ତ୍ତନ ହୋଇଛି। ବିଶ୍ୱରେ ଭାରତର ସମ୍ମାନ ବଢ଼ିଛି। ୟୁପିଏ ସରକାର ଅମଳରେ ଦେଶରେ ବିକାଶ ଠପ୍ ହୋଇ ଯାଇଥିଲା। ଏବେ ଦ୍ରୁତ ଗତିରେ ବିକାଶ ଆଗେଇ ଚାଲିଛି।&rdquo;</p> <p>ସେ ଆହୁରି କହିଛନ୍ତି- &ldquo;ମୋଦି ସରକାର ପଛୁଆବର୍ଗକୁ ସମ୍ମାନ ଦେବାକୁ ବଦ୍ଧ ପରିକର। ୨୦୧୮ ମେ&rsquo; ସୁଦ୍ଧା ସବୁ ଗାଁରେ ବିଜୁଳି ପହଞ୍ଚାଇବା ଲକ୍ଷ୍ୟ ରଖାଯାଇଛି। ୩ ବର୍ଷ ଭିତରେ ଗରିବ ଓ ଦଳିତଙ୍କ ଉତଥାନ ପାଇଁ ବ୍ୟବସ୍ଥା ହୋଇଛି। ବ୍ୟାଙ୍କ ଆକାଉଣ୍ଟ ଓ ମାଗଣା ଗ୍ୟାସ କନେକ୍ସନ ଏହାର ଉଦାହରଣ।&rdquo;</p> <p>ଅମିତ ଶାହ ପୁଣି ଓଡ଼ିଶା ବିଧାନସଭାରେ ୧୨୦ରୁ ଅଧିକ ଆସନ ହାସଲ ଅଭିଯାନକୁ ଦୋହରାଇଛନ୍ତି। କହିଛନ୍ତି- &ldquo;ଯାହାର ବୟସ ହୋଇଯାଇଛି, ସେମାନେ ହୁଏତ ଏହାକୁ ଅସମ୍ଭବ ବୋଲି କହିପାରନ୍ତି। କିନ୍ତୁ ଯୁବପିଢ଼ି ପାଇଁ ଏହା ଅସମ୍ଭବ ନୁହେଁ। ୨୦୧୯ରେ କିଏ ସେନାପତି ହେବ, ତାହା ସ୍ଥିର ହୋଇନାହିଁ।&nbsp; ଓଡ଼ିଶାରେ ବିଜେପି ଏକାକୀ ନିର୍ବାଚନ ଲଢ଼ିବ।&rdquo;</p> <p>ଅନ୍ୟପକ୍ଷରେ ବିଜେପି ଅଧ୍ୟକ୍ଷ ଅମିତ ଶାହଙ୍କ ଉପରେ ବର୍ଷିଛନ୍ତି ମନ୍ତ୍ରୀ ଦାମୋଦର ରାଉତ। &nbsp;ସେ କହିଛନ୍ତି- &ldquo;ଅମିତ ଜଣେ ସଟ୍ଟା ବେପାରୀ ଭଳି କଥାବାର୍ତ୍ତା କରୁଛନ୍ତି। ତାଙ୍କ ଆଚରଣ ଓ ଉଚ୍ଚାରଣ ଭାରତୀୟ ଗଣତନ୍ତ୍ର ସହ ସଂପର୍କ ରଖୁନି। ବିଜେପିରେ ପରିବାରବାଦ ରାଜନୀତିର ଉଦାହରଣ ବହୁତ ଅଛି। ବିଜେପି ରଜା ପୁଅ ରଜା ହେବାରେ ବିଶ୍ୱାସ ରଖନ୍ତି।&rdquo;</p>