ପୋଲିସ ବାବୁଙ୍କ ଦାଦାଗିରି: ଭୁଶ୍‌କି ପସିଲେ, ହୋଟେଲ କର୍ମଚାରୀଙ୍କୁ ନିର୍ଧୁମ ଛେଚିଲେ; ଦେଖନ୍ତୁ ଭିଡ଼ିଓ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୋଲିସବାବୁଙ୍କ ଦାଦାଗିରି। ହୋଟେଲ୍&zwnj; ପଛପଟୁ ପସିଲେ। କିଛି କହିବା ପୂର୍ବରୁ ହୋଟେଲ୍&zwnj; କର୍ମଚାରୀଙ୍କୁ ଜଣ ଜଣକରି ନିର୍ଧୁମ ଛେଚିଲେ। ଏହି ସମୟରେ ଅନ୍ୟ ଜଣେ ବାହାରେ ଛିଡ଼ା ହୋଇ ଘଟଣାକୁ ଲକ୍ଷ୍ୟ କରୁଥିଲେ। &lsquo;ୱି କେୟାର ଓ ଓ୍ୱି ଡେୟାର&rsquo; ସ୍ଲୋଗାନ ଦେଉଥିବା ଭୁବନେଶ୍ୱର କମିଶନରେଟ୍&zwnj; ପୋଲିସର ଏହି ଦାଦାଗିରିର ଦୃଶ୍ୟ ସିସିଟିଭିରେ କଏଦ ହୋଇଛି।</p> <p>ଗତ ୪ ତାରିଖ ରାତି ପ୍ରାୟ ୧୧ଟା ୪୫ ମିନିଟ୍&zwnj;। ହୋଟେଲ ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା। ଜଣେ ବା ଦୁଇ ଜଣ କର୍ମଚାରୀ ବସି ଖାଉଥିଲେ। ଏହି ସମୟରେ ଅତର୍କିତ ହୋଟେଲ ପଛ ପର୍ଶ୍ୱରୁ ଏସ୍&zwnj;ଆଇ ମହାଶୟ ପ୍ରବେଶ କଲେ। କିଛି କହିବା ପୂର୍ବରୁ ଲାଠିରେ ବାଡେଇ ଚାଲିଲେ। ମାତ୍ର ହୋଟେଲ କର୍ମଚାରୀମାନେ ଏନେଇ କିଛି ଜାଣିପାରିନଥିଲେ।</p> <p>ହୋଟୋଲ କର୍ମଚାରୀ ବିଦ୍ୟାଧର ସାହୁ କହିଛନ୍ତି-&ldquo;ରାତିରେ ହୋଟେଲ ଗେଟ୍&zwnj; ବନ୍ଦ ଥିଲା। ଆମେ କାମ ସାରି ଖାଉଥିଲୁ। ଏହି ସମୟରେ ପୋଲିସ୍&zwnj; ବାବୁ ପଛ ପାର୍ଶ୍ୱ ଗେଟ୍&zwnj; ଦେଇ ଭିତରେ ପସି ଆମକୁ ବାଡ଼େଇ ଥିଲେ। କ&rsquo;ଣ ପାଇଁ ବାଡେଇ ଥିଲେ ଆମେ ମଧ୍ୟ ଜାଣିନାହୁଁ।&rdquo;</p> <p>ପୋଲିସ ଡିଜି ଓ ପୋଲିସ କମିଶନର ପିପୁଲସ ଫ୍ରେଣ୍ଡଲି ପୋଲିସ ହେବାକୁ ପରମର୍ଶ ଦେଉଛନ୍ତି। ହେଲେ ଏସଆଇ ଜଣଙ୍କ ଏସବୁ ବୌଧ ହୁଏ ଭୁଲି ଯାଇଛନ୍ତି। ହୋଟେଲ ବାହାରେ ଗହଳିଥିବାରୁ ଏପରି କରିଥିବା କଥା କହିଛନ୍ତି ସମ୍ପୃକ୍ତ ଏସ୍&zwnj;ଆଇ।</p> <p>ପୋଲିସ କମିଶନର ଯୋଗେଶ ବାହାଦୂର ଖୁରାନିଆ କହିଛନ୍ତି-&ldquo;ଆଇନ୍&zwnj; ଶୃଙ୍ଖଳା ପରିସ୍ଥିତି ବିଗିଡ଼ି ଗଲେ କିଛି ସମୟରେ ପୋଲିସ ଏପରି ପଦକ୍ଷେପ ନେଇଥାଏ। ଯେଉଁଠି ପୋଲିସ କର୍ମଚାରୀମାନେ ଠିକ୍&zwnj;ଭାବେ ପଦକ୍ଷେପ ନେଇ ନଥାନ୍ତି ତାହାର ଯାଞ୍ଚ କରାଯାଇ ପଦକ୍ଷେପ ନିଆଯିବ।&rsquo;&rsquo;</p> <p>&amp;nbsp;</p>