ଗୁମସୁମ୍ ଗୁମୁଡୁମାହା, ବର୍ଷେ ପରେ ବି ବଦଳିନି ଚିତ୍ର

<p>କନ୍ଧମାଳ: କନ୍ଧମାଳ ଜିଲ୍ଲା ଗୁମୁଡୁମାହା ଗୁଳିକାଣ୍ଡକୁ ବର୍ଷେ ପୂରିଛି। ମାଓବାଦୀ ସନ୍ଦେହରେ ଅନ୍ଧାର ରାତିରେ ସୁରକ୍ଷାକର୍ମୀଙ୍କ ଗୁଳିମାଡ଼ରେ ଟଳି ପଡ଼ିଥିଲେ ଏହି ଗାଁର ଜଣେ ୮ମାସର ଶିଶୁ ସହ ୫ଜଣ ଲୋକ। ଘଟଣାକୁ ନେଇ ଜୋର ଧରିଥିଲା ରାଜନୀତି। ଛୁଟିଥିଲା ନେତା ଓ ମନ୍ତ୍ରୀଙ୍କ ସୁଅ। ସବୁ ମୌଳିକ ସୁବିଧାରୁ ବଞ୍ଚିତ ଏ ଗାଁ ପାଇଁ ସମସ୍ତେ ଦେଖାଇଥିଲେ ଦରଦ।</p> <p>ବର୍ଷେ ପରେ କଣ ଅଛି ଗାଁର ଅବସ୍ଥା, ସ୍ଥିତି ପରଖିଥିଲା ଘରୋଇ ଟେଲିଭିନ୍ ଚ୍ୟାନେଲ୍ ଓଟିଭି।</p> <p>[vc_video link=&quot;&quot; align=&quot;center&quot;]</p> <p>ଯେଉଁଆଡ଼େ ଚାହିଁଲେ କାଦୁଅ ପଚ୍ ପଚ୍।&nbsp; ଚାଲି ଚାଲି ଯିବା ମଧ୍ୟ କଷ୍ଟକର ବ୍ୟାପାର। ଏ ହେଉଛି&nbsp; କନ୍ଧମାଳ ଜିଲ୍ଲା କୁର୍ତିମଗଡ଼ରୁ ଗୁମୁଡୁମାହାକୁ ଯିବା ରାସ୍ତା।&nbsp; ଗୁମୁଡୁମାହା ଗୁଳିକାଣ୍ଡ ଘଟଣା ପରେ ଏହି ରାସ୍ତାରେ ପାଦ ପଡ଼ିଥିଲା କେତେ ନେତାମନ୍ତ୍ରୀଙ୍କର।&nbsp; ହେଲେ ଏମାନଙ୍କର ସିନା ଏବେ ଦର୍ଶନ ନାହିଁ, କିନ୍ତୁ ଗ୍ରାମବାସୀଙ୍କୁ ଏହି ରାସ୍ତା ଦେଇ ସବୁଦିନ ଯିବାକୁ ପଡୁଛି।&nbsp; ଗୁଳିକାଣ୍ଡ ପରେ ମୃତକଙ୍କ ପରିବାରକୁ ସମବେଦନା ସହ ଅଞ୍ଚଳର ବିକାଶ ପାଇଁ ସମସ୍ତେ ଦେଇଥିଲେ ପ୍ରତିଶ୍ରୁତି। ଏହାକୁ ନେଇ ରାଜନୀତି ମଧ୍ୟ ଜୋରଧରିଥିଲା।</p> <p>ହେଲେ ଏହାରି ମଧ୍ୟରେ ଏହି ଘଟଣାକୁ ପୂରିଛି ବର୍ଷେ ।&nbsp; ମୃତକଙ୍କ ପରିବାର ଲୋକେ ଅନୁକମ୍ପା ରାଶି ପାଇଛନ୍ତି, କିନ୍ତୁ ରାସ୍ତା, ପାନୀୟ ଜଳ ଭଳି ଅନେକ ମୌଳିକ ସୁବିଧାରୁ ଏବେ ବି ବଞ୍ଚିତ ଗ୍ରାମବାସୀ।</p> <p>ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ବେଳେ ଶିକାର ହୋଇଥିଲେ ନିରୀହ ଆଦିବାସୀ ।&nbsp; ଘଟଣା ପରେ ଏହି ଅଞ୍ଚଳ ଉପରେ ନଜର ପଡ଼ିଥିଲା ଅନେକ ନେତାଙ୍କର।&nbsp; ଅଞ୍ଚଳର ବିକାଶ ପାଇଁ ପ୍ରତିଶ୍ରୁତି ମଧ୍ୟ ମିଳିଥିଲା, ହେଲେ ଏସବୁ ଏବେ ପାଣିରଗାର। ଏପଟେ ପିଡି ଡିଆରଡିଏ ତୁଷାରକାନ୍ତ ମହାନ୍ତିଙ୍କ କହିବାକଥା, ଗୁମୁଡୁମାହାରେ ଅନେକ ବିକାଶ ମୂଳକ କାମ ହୋଇଛି,&nbsp; ଯାହା ସବୁ ଅଭିଯୋଗ ରହିଛି, ତାର ସମୀକ୍ଷା କରାଯାଇ ସମାଧାନ କରାଯିବ ।</p>