ପଶ୍ଚିମବଙ୍ଗ ବାଲିମାଫିଆଙ୍କ ଦବଙ୍ଗଗିରି: ଢେଲା ମାଡ଼ ଡରେ ପଳାଇ ଆସିଲେ ତହସିଲଦାର ଓ ଓଡ଼ିଶା ପୋଲିସ

<p>ଜଳେଶ୍ୱର: ଓଡ଼ିଶା ସୀମାରେ ଦେଖିବାକୁ ମିଳିଛି ପଶ୍ଚିବବଙ୍ଗ ବାଲି ମାଫିଆଙ୍କ ଦବଙ୍ଗଗିରି। ଓଡ଼ିଶା ପୋଲିସକୁ ଢେଲା ମାରି ଘଉଡାଇ ଦେଇଛନ୍ତି। ସତେ ଯେମିତି ଇଲାକା ତାଙ୍କର ଓ ତାଙ୍କ ବିନା ଅନୁମତିରେ ସେଠାରେ କେହି ପ୍ରବେଶ କରି ପାରିବେ ନାହିଁ। ଏପରି ଘଟଣା ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱରର ମାକେଡିଆ ଅଞ୍ଚଳରେ। ପଶ୍ଚିମବଙ୍ଗର ବାଲି ଚୋରଙ୍କୁ ଘଉଡାଇବାକୁ ଯାଇଥିବା ତହସିଲ କର୍ମଚାରୀ ଓ ପୋଲିସକୁ ସେମାନେ ନଦୀ ପାର ହୋଇ ବାଲି ଚୋରି ସ୍ଥାନକୁ ଯିବାକୁ ସୁଯୋଗ ଦେଇ ନ ଥିଲେ। ଫଳରେ ଚୋରଙ୍କୁ ଘଉଡାଇବାକୁ ଯାଇଥିବା ଏହି ଅଧିକାରୀମାନେ ଜୀବନ ବଞ୍ଚାଇ ସେଠାରୁ ପଳାଇ ଆସିଛନ୍ତି। ଯାହାକୁ ନେଇ ମାକେଡିଆ ଅଞ୍ଚଳରେ ଉତ୍ତେଜନା ପ୍ରକାଶ ପାଇବା ସହ ତହସିଲ ଓ ପୋଲିସର ଏପରି ବିଫଳତା ପ୍ରତିବାଦରେ ଲୋକେ ସେମାନଙ୍କୁ ଅଟକ ରଖିଥିଲେ।</p> <p>[vc_video link=&quot;&quot; align=&quot;center&quot;]</p> <p>ପଶ୍ଚିମବଙ୍ଗର ବାଲିଚୋରମାନେ ମାକେଡିଆରୁ ବାଲି ଚୋରି କରୁଥିବା ତହସିଲଦାରଙ୍କ ପାଖରେ ଅଭିଯୋଗ ହୋଇଥିଲା। ଅଭିଯୋଗକୁ ଆଧାର କରି ତହସିଲଦାର, ୩ ଅତିରିକ୍ତ ତହସିଲଦାର ପୋଲିସ୍&zwnj; ସହଯୋଗରେ ଚଢାଉ କରିଥିଲେ। ଡଙ୍ଗାରେ ନଦୀ ପାର ହୋଇ ଆର ପଟକୁ ଯିବାକୁ ଉଦ୍ୟମ କରିବା ବେଳେ ବାଲି ମାଫିଆ ଓ ତାଙ୍କ ସହଯୋଗୀମାନେ ପୋଲିସ ଉପରକୁ ଢେଲାମାଡ଼ ଆରମ୍ଭ କରି ଦେଇଥିଲେ। ଫଳରେ ପୋଲିସ୍&zwnj; କି ତହସିଲ କର୍ମଚାରୀମାନେ ବାଲି ଚୋରି ସ୍ଥାନକୁ ଯାନ ନ ପାରି ଫେରି ଆସିଥିଲେ।</p> <p>ବାଲି ମାଫିଆଙ୍କ ଦାଦାଗିରି ଏବଂ ପୋଲିସ ଓ ତହସିଲ କର୍ମଚାରୀଙ୍କ ବିଫଳତାକୁ ନେଇ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଥିଲା। କୌଣସି ବ୍ୟବସ୍ଥା ନ କରି ପୋଲିସ ଫୋର୍ସ କାହିଁକି ଆସିଥିଲା ଅଭିଯୋଗ କରି ଅଞ୍ଚଳବାସୀ ତହସିଲଦାରଙ୍କ ସମେତ ଅନ୍ୟ ଅଧିକାରୀ ଓ ପୋଲିସକୁ ଦୀର୍ଘ ସମୟ ପର୍ଯ୍ୟନ୍ତ ଅଟକ ରଖିଥିଲେ।</p> <p>ଉପଯୁକ୍ତ ଟିୟର ଗ୍ୟାସ କି ବନ୍ଧୁକ ନ ଥିବାରୁ ବାଲି ମାଫିଆଙ୍କୁ ପ୍ରତିରୋଧ କରାଯାଇ ପାରି ନ ଥିବା ତହସିଲଦାର କହିଛନ୍ତି।</p>