ସେ ଆହୁରି ଅଭିଯୋଗ କରିଥିଲେ ରାଜ୍ୟରେ ପ୍ରତିଦିନ ୬ ଜଣ ମହିଳା ବଳାତ୍କାର ଶିକାର ହେଉଛନ୍ତି। ବିଜେଡି ନେତାଙ୍କ ସହ ଅପରାଧୀମାନେ ସମ୍ପର୍କ ରଖି ଖସି ଯାଉଛନ୍ତି। ଆକ୍ରୋଶମୂଳକ ଭାବେ କଂଗ୍ରେସ ନେତା ରମେଶ ଜେନାଙ୍କୁ ଗିରଫ କରାଯାଇ ତାଙ୍କ ନାଁରେ ମାମଲା ରୁଜୁ କରାଯାଉଛି।
ରାଜ୍ୟରେ ଆଇନଶୃଙ୍ଖଲା ପରିସ୍ଥିତି ଠିକ୍ ରହିଛି ବୋଲି ଆଜି ଗୃହ ବିଭାଗର ଖର୍ଚ୍ଚ ଦାବି ଉପରେ ଆଲୋଚନା ବେଳେ ପୋଲିସର ସକ୍ରିୟତା ଯୋଗୁଁ ରାଜ୍ୟରେ ମାଓ ଉପଦ୍ରବ କମିଛି ଓ କନ୍ଧମାଳ, କଳାହାଣ୍ଡି, ବୌଦ୍ଧ ଏବଂ ନୟାଗଡ଼ ଜିଲ୍ଲାରେ ମାଓବାଦୀଙ୍କ କାର୍ଯ୍ୟକଳାପ ହ୍ରାସ ପାଇଛି ବୋଲି ମୁଖ୍ୟମନ୍ତ୍ରୀ କହିଥିଲେ। ୨୦୧୫-୧୬ ବର୍ଷରେ ୪୮ ଜଣ ମାଓବାଦୀ ନିହତ ହୋଇଥିବା ବେଳେ ୮୮ ଜଣ ଗିରଫ ହୋଇଛନ୍ତି ଓ ୯୫ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି ବୋଲି ସେ ସୂଚନା ଦେଇଥିଲେ।
ସେ ଆହୁରି କହିଥିଲେ ମହିଳାଙ୍କ ସୁରକ୍ଷା ପାଇଁ ଆଣ୍ଟି ହ୍ୟୁମାନ ଟ୍ରାଫିକିଙ୍ଗ ୟୁନିଟ୍ ଗଠନ କରାଯାଇଛି। ମହିଳାଙ୍କ ପ୍ରତି ଅପରାଧ ରୋକିବା ପାଇଁ ମହିଳା-ଶିଶୁ ଡେସ୍କ ଗଠନ ହୋଇଛି। ଜଘନ୍ୟ ଅପରାଧର ତଦାରଖ କରିବା ପାଇଁ ସ୍ୱତନ୍ତ୍ର ପିପି ନିଯୁକ୍ତ ହୋଇଛନ୍ତି।