ଅଧାରେ ରହିଲା ‘ବଦ୍‌ମାସ ମୀନକେତନ’ଙ୍କ ଅଭିନୟ: ସ୍ୱର୍ଗଦ୍ୱାରରେ ଜଳିଲା ଜୁଇ

<p>ଭୁବନେଶ୍ୱର: କିଏ କହେ ମୀନ, କିଏ କହେ ମୀନା, ଆଉ କିଏ କହେ ମୀନକେତନ। ହେଲେ ଜଣକ ମୁହଁରେ ଭଲ ଲାଗେ ବଦ୍&zwnj;ମାସ ମୀନକେତନ। ଏହି ସଂଳାପ ହେଉଛି &lsquo;ବଦମାସ ମୀନକେତନ&rsquo; ନାଟକର। ଆଜି ମଞ୍ଚ ଅଛି ମାତ୍ର ଆଉ ଦେଖିବାକୁ ମିଳିବନି ସେହି ବଦନାମ ମୀନକେତନଙ୍କ ଅଭିନୟ। ଜୀବନ ଯୁଦ୍ଧରେ ହାରିଗଲେ। ଅଧା ରହିଲା ତାଙ୍କ ଅଭିନୟ ଜୀବନ। ଦୀର୍ଘ ଦିନ ଧରି କ୍ୟାନସରରେ ପୀଡ଼ିତ ହୋଇ ସମସ୍ତଙ୍କୁ ଛାଡ଼ି ଆଉଏକ ଦୁନିଆକୁ ଚାଲିଗଲେ। ତାଙ୍କ ବିୟୋଗରେ ଓଲିଉଡ୍ ଓ ଯଲିଉଡ୍ ସ୍ତବ୍ଧ। ପୁରୀ ସ୍ୱର୍ଗଦ୍ୱାରରେ ଜଳିଛି ଜୁଇ। ପରିବାର ଓ ଆତ୍ମିୟସ୍ୱଜନଙ୍କ ଉପସ୍ଥିତ ହୋଇଛି ଅନ୍ତେଷ୍ଟିକ୍ରିୟା।</p> <p>ମୀନକେତନଙ୍କ ବିୟୋଗରେ ଅଭିନେତା ମିହିର ଦାସ କହିଛନ୍ତି- &ldquo;ଓଡ଼ିଶା ଚଳଚ୍ଚିତ୍ର ଜଗତରେ ବହୁ ଅଭାବ ରହିଛି। ଏହା ଭିତରେ ମୀନଙ୍କ ବିୟୋଗରେ ଇଣ୍ଡଷ୍ଟ୍ରିରେ ଆଉଏକ ଶୂନ୍ୟସ୍ଥାନ ସୃଷ୍ଟି ହୋଇଛି। ତାହା ପୂରଣ ହେବା ଅସମ୍ଭବ। ତାଙ୍କ ଆତ୍ମାର ସଦ୍&zwnj;ଗତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରୁଛି।&rdquo;</p> <p>ଅଭିନେତ୍ରୀ ଅପରାଜିତା ମହାନ୍ତି କହିଛନ୍ତି-&ldquo;ମୀନଙ୍କ ବିୟୋଗରେ ସୃଷ୍ଟି ହୋଇଥିବା ଶୂନ୍ୟ ସ୍ଥାନ ପୂରଣ ହେବନାହିଁ।&rdquo;</p> <p>ଚଳଚ୍ଚିତ୍ର ସହ ମୀନକେତନ ଯାତ୍ରା ସହିତ ଜଡ଼ିତ ଥିଲେ। ସେ ବହୁ ନାଟ୍ୟ ଅନୁଷ୍ଠାନରେ ଅଭିନୟ କରି ସ୍ୱତନ୍ତ୍ର ଛାପ ଛାଡ଼ିଛନ୍ତି। ତାଙ୍କ ସଂଳାପ ଉଚ୍ଚାରଣରେ ରହିଛି ସ୍ୱତନ୍ତ୍ରତା। ଯାହାକୁ ପୂରଣ କରିବା ଅନ୍ୟ କଳାକାରଙ୍କ ପକ୍ଷେ ସମ୍ଭବ ନହୁହେଁ।</p> <p>ଯାତ୍ରା କଳାକାର ଟିକିନା ସ୍ୱାଇଁ କହିଛନ୍ତି଼- &ldquo;ହର ପଟ୍ଟନାୟକଙ୍କ ପରେ ମୀନକେତନ ସାର୍&zwnj; ଚାଲିଗଲେ। ସେମାନଙ୍କ ଶୂନ୍ୟସ୍ଥାନ କେହି ପୂରଣ କରିପାରିବେ ନାହିଁ। ଭଗବାନ ତାଙ୍କ ପରିବାରକୁ ସୁଖ ଓ ଶାନ୍ତିରେ ରଖନ୍ତୁ।&rdquo;</p> <p>ଓଡିଶା ଚଳଚ୍ଚିତ୍ର ଜଗତରେ ନିଜର ସ୍ୱତନ୍ତ୍ର ଛାପ ଛାଡ଼ିଯାଇଥିବା ମୀନକେତନ ଉତ୍କଳ ସଂଗୀତ ମହାବିଦ୍ୟାଳୟ ନାଟକ ବିଭାଗର ଛାତ୍ର ଥିଲେ। ସେ ଗଙ୍ଗଶିଉଳି ସିନେମାରୁ କ୍ୟାରିୟର୍ ଆରମ୍ଭ କରିଥିଲେ। ସେ ଶହେରୁ ଅଧିକ ସିନେମା ସାଙ୍ଗକୁ ଅନେକ ଯାତ୍ରା, ଟେଲି ଧାରାବାହିକରେ ଅଭିନୟ କରିଛନ୍ତି।</p>