ରାୟଗଡ଼ା: ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ଅଙ୍ଗୁରୁ ଗାଁ ନିକଟରେ ସୋମବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ୩ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି। ମୃତକମାନେ ହେଳେ କେଟାପେଟା ଅଞ୍ଚଳର ପବନ ତାଣ୍ଡି, କିରଣ ହିମିରିକା ଓ ଦିବା ମେଲକା। ଆହତ ଯୁବକଙ୍କୁ ରାୟଗଡ଼ା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି। ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଡାକ୍ତର କହିଛନ୍ତି।
ଆଜି ସକାଳେ ଏହି ୪ ଜଣ ଯୁବକ ବାଇକ୍ ଯୋଗେ ଅଣ୍ଟାମାଳ ଯାତ୍ରା ଦେଖି ଘରକୁ ଫେରୁଥିବା ବେଳେ ଅଙ୍ଗୁରୁ ଗାଁ ନିକଟ ପୋଲରେ ବାଇକ୍ଟି ପିଟି ହୋଇଯାଇଥିଲା। ଫଳରେ ବାଇକ୍ଟି ପୋଲ ତଳକୁ ଖସି ପଡ଼ିଥିଲା। ବାଇକ୍ ସହ ତିନି ଯୁବକ ମଧ୍ୟ ପୋଲ ତଳକୁ ଖସି ପଡ଼ିଥିଲେ। ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଥିଲା।
ବାଇକ୍ଟି ଦ୍ରୁତ ଗତିରେ ଥିବାରୁ ଭାରସାମ୍ୟ ହରାଇ ୩୦ ଫୁଟ୍ ରେଳ ଟ୍ରାକ୍ରେ ଖସି ଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।