ହନୁ ଉତ୍ପାତରେ ଲୋକେ ଅତିଷ୍ଠ, ଠେଙ୍ଗାବାଡ଼ି ଧରି ଖାଇ ବସୁଛନ୍ତି

<p>ବାଲେଶ୍ୱର: ବାଲେଶ୍ୱର ଜିଲ୍ଲା ସୋର ଅଞ୍ଚଳରେ ଗତ କିଛି ଦିନ ହେବ ମାତିଛି ଏକ ହନୁ ମାଙ୍କଡ଼। ହନୁ ଆକ୍ରମଣରେ ୩୦ରୁ ଅଧିକ ଲୋକ ଆହତ ମଧ୍ୟ ହୋଇଛନ୍ତି। ସେଥିପାଇଁ ଗତକାଲି କରାଯାଇଥିଲା ମାଙ୍କଡ଼ ଧରା ଅଭିଯାନ।&nbsp; ଏଥିରେ ବନ ବିଭାଗର ୪ଟି ରେଞ୍ଜର ୮୦ ଜଣ କର୍ମଚାରୀ ନିୟୋଜିତ ହୋଇଥିଲେ। &nbsp;ସେମାନଙ୍କୁ ସାହାଯ୍ୟ କରିବାକୁ ଆସିଥିଲେ ୨୦ ଜଣ ମାଙ୍କଡିଆ। ହନୁ ଧରିବାକୁ ଜାଲ ମଧ୍ୟ ବିଛା ଯାଇଥିଲା। ହେଲେ ସମସ୍ତଙ୍କୁ ଚକ୍&zwnj;ମା ଦେଇ ଏ ଗଛରୁ ସେ ଗଛକୁ ଡେଇଁ ଚାଲିଲା ହନୁ। ଆଦୌ ଧରାପଡ଼ିଲା ନାହିଁ। ଉତ୍ପାତ କରୁଥିବା ହନୁ ବଦଳରେ ଆଉ କିଛି ମାଙ୍କଡ଼ ଧରାପଡ଼ିଥିଲେ।</p> <p>ହନୁର ଉତ୍ପାତରେ ଗାଁଲୋକେ ସମସ୍ତେ ଅତିଷ୍ଠ ହୋଇପଡ଼ିଲେଣି।&nbsp; ଲୋକଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରୁଛି ହନୁ। ଏମିତି କି ବନ କର୍ମଚାରୀ ଦିଲୀପ ସିଂହ ମଧ୍ୟ ହନୁ କବଳରୁ ବର୍ତ୍ତିନାହାନ୍ତି।&nbsp; ଖାଇବା ବେଳେ ମଧ୍ୟ ଠେଙ୍ଗାବାଡ଼ି ଧରି ସତର୍କ ହେବାକୁ ପଡୁଛି।&nbsp; କେତେ ବେଳେ କେଁଉଠୁ ହନୁଟି ମାଡି ଆସିବ, ତାର ଠିକ୍ ନାହିଁ। ଦେହରେ ଏକ ଘା ହୋଇଥିବାରୁ ମାଙ୍କଡ଼ଟି ହିଂସ୍ର ପାଲଟି ଯାଇଥିବା ଫରେଷ୍ଟର କହିଛନ୍ତି।</p>