ଆଜି ପହିଲି ରଜ, ଉତ୍ସବମୁଖର ସାରା ରାଜ୍ୟ

<p>ଭୁବନେଶ୍ୱର: ଆଜି ପହିଲି ରଜ। ଚଳଚଞ୍ଚଳ ଗାଁଠାରୁ ସହର। ଉତ୍ସବମୁଖର ସାରା ପରିବେଶ। ଗାଁ ଗଣ୍ଡାରେ ଝଲସୁଛି ପରମ୍ପରାର ମହକ। ସକାଳୁ ସକାଳୁ ନୂଆ ପୋଷାକରେ ନିଜକୁ ସଜାଇ ବାହାରିଛନ୍ତି ଝିଅବୋହୂ।&nbsp; ରଜବତୀ ହେବେ ମାଟି ମାଆ।&nbsp; ସେଥିପାଇଁ ଏହାକୁ କୁହାଯାଇଥାଏ କୁମାରୀ ଝିଅଙ୍କ ପର୍ବ। ଏହି ଅବସରରେ ନୂଆ ଡ୍ରେସ, ହାତରେ ମେହେନ୍ଦି, ପାଦରେ ଅଳତା ଓ ମୁଣ୍ଡରେ ଚନ୍ଦନର ଟିପା ଲଗାଇ ଦୋଳି ଖେଳିବାର ରହିଛି ପରମ୍ପରା। ରଜଦୋଳିରେ ରଜ ଗୀତ ଗାଇ ମଉଜ କରୁଛନ୍ତି କୁନି କୁନି ଝିଅ ଓ ଯୁବତୀ। କେବଳ ଝିଅ ନୁହଁନ୍ତି ପୁଅମାନେ ମଧ୍ୟ ରଜ ତିନିଦିନ ବେଶ ମଉଜ କରିଥାନ୍ତି।&nbsp; ତାସ, ପଶା, ବାଗୁଡି ଖେଳର ଆସର ଜମିଥାଏ। ଖିଲିପାନ ଖାଇ ରଜ ମଉଜକୁ ଆଉରି ରଂଗୀନ କରି ଦେଇଥାନ୍ତି ସଭିଏଁ।</p> <p>ରଜ ଅବସରରେ ବିଭିନ୍ନ ସ୍ଥାନରେ ଜମିଛି ରଜ ପରବର ଆସର।&nbsp; ପରମ୍ପରାର ଏହି ପର୍ବକୁ ଜାକଜମକର ସହ ପାଳନ କରୁଛି ପର୍ଯ୍ୟଟନ ବିଭାଗ।&nbsp; ଭୁବନେଶ୍ୱର ପାନ୍ଥ ନିବାସରେ ରଙ୍ଗାରଙ୍ଗ କାର୍ଯ୍ୟକ୍ରମ ସହ ପିଠାପଣାର ଆୟୋଜନ ହୋଇଛି।</p> <p>&amp;nbsp;</p>