ଆସନ୍ତାକାଲି ଓଡ଼ିଶା ଆସୁଛନ୍ତି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ

କଟକ(ଓଡ଼ିଶା ରିପୋର୍ଟର): ଆସନ୍ତାକାଲି ଓଡ଼ିଶା ଗସ୍ତରେ ଆସୁଛନ୍ତି ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ। ସେ ରେଭେନ୍ସା ବିଶ୍ୱବିଦ୍ୟାଳୟର ଡେଭଲପମେଣ୍ଟ ଟ୍ରଷ୍ଟ ଲେକ୍ଚର୍ କାର୍ଯ୍ୟକ୍ରମରେ ଯୋଗଦେଇ ବକ୍ତୃତା ଦେବାର ରହିଛି। ପରେ ଟ୍ରଷ୍ଟ ଇତିହାସ ସମ୍ପର୍କୀତ ପୁସ୍ତକ ‘ଟ୍ରଷ୍ଟ୍ ରିଡିମ୍‌ଡ’ ପୁସ୍ତକ ଉନ୍ମୋଚନ କରିବାର କାର୍ଯ୍ୟକ୍ରମ ରହିଛି। ଏ ନେଇ ଏକ ସାମ୍ୱାଦିକ ସମ୍ମିଳନୀରେ ଟ୍ରଷ୍ଟର କର୍ମକର୍ତ୍ତା ଅମୀୟ ଭୂଷଣ ତ୍ରିପାଠୀ, ବସନ୍ତ କୁମାର ମହାପାତ୍ର ଓ ରେଭେନ୍ସା କୁଳପତି ପ୍ରକାଶ ଚନ୍ଦ୍ର ଷଡଙ୍ଗୀ ସୂଚନା ଦେଇଛନ୍ତି।