ଉଦଳା: ଅଘୋଷିତ ବିଦ୍ୟୁତ କାଟ୍ ପ୍ରତିବାଦରେ ଆଜି ସ୍ଥାନୀୟ ଲୋକେ ୧୨ ଘଣ୍ଟିଆ ଉଦଳା ବନ୍ଦ ଡାକରା ଦେଇଛନ୍ତି। ଯାହାଦ୍ୱାରା ଉଦଳାରେ ସମସ୍ତ ଦୋକାନ ବଜାର ଓ ଅଫିସ୍ ବନ୍ଦର ରହିଛି।
ଆନ୍ଦୋଳନକାରୀମାନେ ଉଦଳା ଥାନା ଓ ହାଇସ୍କୁଲ ଛକରେ ରାସ୍ତାରୋକ କରିଥିବାରୁ ବାରିପଦା- ବାଲେଶ୍ୱର ମଧ୍ୟରେ ଗାଡ଼ି ଚଳାଚଳ ଠପ୍ ହୋଇଯାଇଛି। ଲୋକେ ଯାତାୟତ କରିବାରେ ବହୁ ଅସୁବିଧାରେ ପଡ଼ୁଛନ୍ତି।
ଉଦଳା ଅଞ୍ଚଳରେ ବାରମ୍ୱାର ଅଘୋଷିତ ବିଦ୍ୟୁତ କାଟ୍ ହେଉଛି। ଏ ସମ୍ପର୍କରେ ବିଭାଗୀୟ ଅଧିକାରୀଙ୍କ ପାଖରେ ଅଭିଯୋଗ କଲେ ମଧ୍ୟ କିଛି ସୁଫଳ ମିଳୁନି ବୋଲି ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି।