ଜୋର୍ ଧରିଲା ପ୍ରାଣନାଥ କଲେଜକୁ ବିଶ୍ୱବିଦ୍ୟାଳୟ ମାନ୍ୟତା ଦାବି

<p>ଭୁବନେଶ୍ୱର,(ଓଡ଼ିଶା ରିପୋର୍ଟର):ବିଶିଷ୍ଟ ସ୍ୱାଧୀନତା ସଂଗ୍ରାମୀ ସ୍ୱର୍ଗତ ପ୍ରାଣନାଥ ପଟ୍ଟନାୟକଙ୍କ ନାଁରେ ନାମିତ ଖୋର୍ଦ୍ଧାସ୍ଥିତ ରାଜ୍ୟର ଅନ୍ୟତମ ପୁରାତନ ଶିକ୍ଷାନୁଷ୍ଠାନ ପି.ଏନ୍.ଅଟୋନୋମସ୍ କଲେଜ୍&zwnj;କୁ ୟୁନିଭର୍ସିଟି ମାନ୍ୟତା ଦେବାକୁ ଦାବି ଉଠିଛି। ଏ ନେଇ କଲେଜ ମ୍ୟାନେଜମେଣ୍ଟ ସ୍ତରରେ ଦାବି ଉପସ୍ଥାପନ ପାଇଁ ପ୍ରସ୍ତୁତି ଆରମ୍ଭ ହୋଇଛି। ମହାବିଦ୍ୟାଳୟର ଅଧ୍ୟକ୍ଷ, ପ୍ରଫେସର ସୁନୀଲ କୁମାର ପଟ୍ଟନାୟକ &#039;ଓଡ଼ିଶା ରିପୋର୍ଟର&#039;କୁ ପ୍ରତିକ୍ରିୟା ଦେଇ କହିଛନ୍ତି, ଏହା ଏକ ପୁରୁଣା ଶିକ୍ଷାନୁଷ୍ଠାନ ହୋଇଥିବାରୁ ବିଶ୍ୱବିଦ୍ୟାଳୟର ମାନ୍ୟତା ପାଇବା ଉଚିତ।</p> <p>୧୯୫୮ ମସିହାରେ ମାତ୍ର ୨ ବଖରା ଆଡବେଷ୍ଟସ୍ ଘରେ ପ୍ରତିଷ୍ଠା ହୋଇଥିବା ପ୍ରାଣନାଥ ମହାବିଦ୍ୟାଳୟରେ ୧୯୫୯ ମସିହାରୁ ବିଧିବଦ୍ଧ ପାଠପଢ଼ା ଆରମ୍ଭ ହୋଇଥିଲା। ଏବେ ଏହି ଶିକ୍ଷାନୁଷ୍ଠାନର ଛାତ୍ରଛାତ୍ରୀ ସଂଖ୍ୟା ଉଭୟ ଯୁକ୍ତଦୁଇ ଓ ଯୁକ୍ତତିନି ମିଶାଇ ୬ ହଜାର ୭୦୦ରେ ପହଞ୍ଚିଛି। କଲେଜର ଟିଚିଂ ଷ୍ଟାଫ୍ ଓ ନନ୍ ଟିଚିଂ ଷ୍ଟାଫ୍ ମିଶାଇ ଅଢେ଼ଇଶହରୁ ୩ଶହ ଜଣ ଅଛନ୍ତି। କଲେଜରେ ଅନର୍ସ ସହିତ ୨୨ଟି ଅଣ୍ଡର ଗ୍ରାଡୁଏଟ୍ ଡିପାର୍ଟମେଣ୍ଟ ରହିଛି। ୪ଟି ସେଲ୍ଫ ଫାଇନାନ୍ସିଂ କୋର୍ସ, ୨ଟି ପିଜି ଟିଚିଂ ଡିପାର୍ଟମେଣ୍ଟ, ୨ଟି ୟୁନିଭର୍ସିଟିର ଷ୍ଟଡି ସେଣ୍ଟର, ଇଣ୍ତୋର ଷ୍ଟାଡିୟମ, ୨ଟି ପ୍ଲେ-ଗ୍ରାଉଣ୍ଡ, ୪ଟି କ୍ୟାଣ୍ଟିନ୍, କଲେଜ ପରିସରରେ ୩ଟି ଏଟିଏମ୍ ବୁଥ, ଗୋଟିଏ ହସ୍ପିଟାଲ ଓ ପୋଷ୍ଟ ଅଫିସ୍, ୩ଟି ଲେଡିଜ୍ ହେଷ୍ଟଲ୍ ଓ ଗୋଟିଏ ଜେଣ୍ଟସ ହେଷ୍ଟଲ୍ ରହିଛି। ଏହାବ୍ୟତୀତ କଲେଜର ନିଜସ୍ୱ ୭୫ ଏକର ସ୍ଥିତିବାନ ଜମି ରହିଛି। ତେଣୁ ଏହାକୁ ଓଡ଼ିଶାର ପ୍ରଥମ ରୁରାଲ୍ ୟୁନିଭର୍ସିଟିର ମାନ୍ୟତା ଦେବାକୁ ଦାବି ଉଠିଛି।</p> <p>ପ୍ରତିବର୍ଷ କଲେଜ ତରଫରୁ ତିନିଟି କ୍ଷେତ୍ରରେ ଖ୍ୟାତି ଅର୍ଜନ କରିଥିବା ତିନିଜଣ ବ୍ୟକ୍ତିଙ୍କୁ ସ୍ୱର୍ଣ୍ଣପଦକ ପ୍ରଦାନ କରାଯାଇଥାଏ। ସେହିପରି ବେଷ୍ଟ ଗ୍ରାଜୁଏଟ୍ ମାନଙ୍କୁ ମଧ୍ୟ ଗୋଲ୍ଡ ମେଡାଲ ପ୍ରଦାନ କରାଯାଏ। ଏଠାରେ ମଧ୍ୟ ଗତ ୫୨ ବର୍ଷ ଧରି ସଫଳତାର ସହ ଅଲ୍ ଓଡ଼ିଶା ଇଣ୍ଟର କଲେଜ ମ୍ୟୁଜିକ୍ କମ୍ପିଟିସନ୍ ଅନୁଷ୍ଠିତ ହେଉଛି।</p> <p>[vc_video link=&quot; &quot; align=&quot;center&quot;]</p> <p>&amp;nbsp;</p>