ବାରିପଦା (ଓଡ଼ିଶା ରିପୋର୍ଟର): ୩୦୦୦ ଟଙ୍କା ଲାଞ୍ଚ ନେଉଥିବା ବେଳେ ମୟୂରଭଞ୍ଜ ଶାଖା ଓପିଟିସିଏଲ୍ ଡିଜିଏମ୍ ଯଶୋବନ୍ତ ଚୌଧୁରୀ ଭିଜିଲାନ୍ସ ଜାଲରେ ପଡିଛନ୍ତି। ନିଜ କାର୍ଯ୍ୟାଳୟରେ ଭଡ଼ାରେ ଲାଗିଥିବା ବୋଲେରୋର ବିଲ୍ କରିବା ପାଇଁ ଶ୍ରୀ ଚୌଧୁରୀ ୫୦୦୦ ଟଙ୍କା ଲାଞ୍ଚ ମାଗିଥିଲେ। ଏନେଇ ଗାଡ଼ି ମାଲିକ ଭିଜିଲାନ୍ସରେ ଅଭିଯୋଗ କରିଥିଲେ। ଯୋଜନା ମୁତାବକ ଆଜି ଗାଡ଼ି ମାଲିକ ଲାଞ୍ଚ ଟଙ୍କା ଦେଉଥିବା ବେଳେ ସାଦା ପୋଷାକରେ ଉପସ୍ଥିତ ଥିବା ଭିଜିଲାନ୍ସ ଅଧିକାରୀମାନେ ଶ୍ରୀ ଚୌଧୁରୀଙ୍କୁ ଧରିଥିଲେ। ଏପରିକି ଲାଞ୍ଚ ଟଙ୍କା ମଧ୍ୟ ଜବତ କରିଥିଲେ। ପରେ ଭିଜିଲାନ୍ସ ଅଧିକାରୀମାନେ ଚୌଧୁରୀଙ୍କ ବାରିପଦା ସ୍ଥିତ ଭଡ଼ା ଘର ଓ ଭୁବନେଶ୍ୱର ମଞ୍ଚେଶ୍ୱର ଘରେ ଚଢ଼ାଉ କରିଛି।