ଏଣିକି ହ୍ୱାଟ୍‌ସ୍‌ଆପ୍‌ ନମ୍ବର ବଦଳାଇଲେ ଆଉ ସମସ୍ୟା ନାହିଁ

ଲୋକପ୍ରିୟ ମେସେଜିଂ ଆପ୍‌ ‘ହ୍ୱାଟ୍‌ସ୍‌ଆପ୍‌’ ଏହାର ‘ବିଟା ଅପ୍‌ଡେଟ୍‌’ରେ ଏକ ନୂଆ ଫିଚର ଜାରି କରିଛି। ଏହା ସାହାଯ୍ୟରେ ios, ଆଣ୍ଡ୍ରଏଡ୍‌ ଏବଂ ୱିଣ୍ଡୋ ୟୁଜର୍ସମାନେ ବିନା କୌଣସି ଅସୁବିଧାରେ ନିଜ ହ୍ୱାଟ୍ସଆପ୍ ଡାଟାକୁ ଏକ ନୂଆ ନମ୍ବରକୁ ଟ୍ରାନ୍ସଫର୍ କରିପାରିବେ। ‘ଚେଞ୍ଜ୍‌ ନମ୍ବର’ ନାମକ ଏହି ଫିଚର ଗୁଗଲ ପ୍ଲେ-ଷ୍ଟୋର୍‌ରେ ୨.୧୮.୯୭ ଆଣ୍ଡ୍ରଏଡ୍‌ ବିଟା ଅପ୍‌ଡେଟ୍‌ ସହିତ ଉପଲବ୍ଧ।

ହ୍ୱାଟ୍‌ସ୍‌ଆପ୍‌ର ନୂଆ ଫିଚର ଉପରେ ନଜର ରଖୁଥିବା ୱେବ୍‌ସାଇଟ୍‌ WABetaInfo ଟ୍ୱିଟ୍‌ କରି ଏ ବିଷୟରେ ଜଣାଇଛି। ଏଥିରେ ଦିଆଯାଇଥିବା ସୂଚନା ଅନୁଯାୟୀ, ଏହି ନୂଆ ଫିଚର ଦ୍ୱାରା ‘ଚାଟ୍ ହିଷ୍ଟ୍ରି’ ମଧ୍ୟ ଫୋନ୍‌ର ନୂଆ ଚାର୍ଟ୍‌ରେ ଉପଲବ୍ଧ ହେବ। ଏଥିସହ ଡୁପ୍ଲିକେଟ୍‌ ଚାର୍ଟ୍‌ ସମସ୍ୟା ମଧ୍ୟ ଶେଷ ହୋଇଯିବ।

ଏହି ନୂଆ ଫିଚର ପାଇଁ ୟୁଜର୍ସଙ୍କୁ ହ୍ୱାଟ୍ସ୍‌ଆପ୍‌ ସେଟିଂକୁ ଯାଇ ଆକାଉଣ୍ଟ ବିକଳ୍ପରେ ‘ଚେଞ୍ଜ୍‌ ନମ୍ବର’ ଅପସନ୍‌କୁ ବାଛିବାକୁ ହେବ। ଭାରତରେ ଏବେ ଦୁଇକୋଟି ଅଧିକ ୟୁଜର୍ସ ହ୍ୱାଟ୍‌ସ୍‌ଆପ୍‌ ବ୍ୟବହାର କରୁଛନ୍ତି।