ଆଜିକାଲିର ବ୍ୟସ୍ତ ଜୀବନରେ ସମସ୍ତେ ପ୍ରାୟ ସ୍ୱଳ୍ପାହାର ଓ ମାନଷିକ ଚାପର ଶିକାର ହୋଇଯାଇଥାନ୍ତି। ମାନଷିକ ଶାନ୍ତି ଓ ଅବସାଦରୁ ମୁକ୍ତି ପାଇବା ପାଇଁ ସେମାନେ ବିଭିନ୍ନ ପ୍ରକାରର ଡାକ୍ତରୀ ଔଷଧ ଖାଇଥାନ୍ତି। ଯାହା କି ଶରୀର ପକ୍ଷେ ହିତକର ନୁହେଁ। ତେଣୁ ଏସବୁ କ୍ଷେତ୍ରରେ ନାନା ଔଷଧ ନ ଖାଇ ଯୋଗ କରିବା ଭଲ। ଯୋଗ ଶରୀର ପକ୍ଷେ ହିତକର। ଯୋଗ ଦ୍ୱାରା ମାନସିକ ଚାପ ଓ ଅବଶାଦ ଦୂର ହୋଇଥାଏ। ତା ହେଲେ ଆସନ୍ତୁ ଜାଣିବା ମାନଷିକ ସ୍ୱାସ୍ଥରେ ସୁଧାର ଆଣୁଥିବା କିଛି ଯୋଗାସନ ବିଷୟରେ।
ବାଳାସନ: ବାଳାସନ ଦ୍ୱାରା ଶରୀରରେ ଥିବା ସ୍ନାୟୁଗୁଡ଼ିକ ଉତ୍ତେଜିତ ହୋଇ ଉର୍ଜାବାନ ହୋଇଥାନ୍ତି। ଏଥିସହ ଏହା ପାଚନ କ୍ରିୟାରେ ଦେଖାଦେଉଥିବା ସମସ୍ୟାକୁ ଦୂର କରିଥାଏ।
ଉତ୍ତାନାସନ: ଏଇ ଆସନ ଚିନ୍ତା ଓ ଡିପ୍ରେସନ୍ର ଲକ୍ଷଣକୁ ଉପଚାର କରିଥାଏ। ଯାହାଫଳରେ ମାନଷିକ ସ୍ୱାସ୍ଥ୍ୟରେ ସୁଧାର ଆସିଥାଏ।
ଶବାସନ: ଏହି ଯୋଗାସନର ବ୍ୟବହାର ପ୍ରାୟ ସମସ୍ତ ଆସନରେ କରାଯାଏ। ଏହା ମେଡିଟେସନ୍ କରିବାର ଏକ ଭଲ ପ୍ରକ୍ରିୟା। ଏହି ଆସନ ମାନଷିକ ସ୍ଥିତିକୁ ସୁଧାରି ଶରୀରକୁ ଆରାମ ଦେଇଥାଏ।