ସାମ ପିଟ୍ରୋଡାଙ୍କ ଆତ୍ମଜୀବନୀ ପୁସ୍ତକ ଉନ୍ମୋଚନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ପ୍ରଧାନମନ୍ତ୍ରୀଙ୍କ ପୂର୍ବତନ ଉପଦେଷ୍ଟା ସାମ୍ ପିଟ୍ରୋଡା ନିଜ ଆତ୍ମଜୀବନୀ ‘ଡ୍ରିମିଙ୍ଗ ବିଗ୍-ମାଇ ଜର୍ଣ୍ଣି ଟୁ କନେକ୍ଟ ଇଣ୍ଡିଆ’କୁ ଭୁବନେଶ୍ୱରରେ ଲୋକାର୍ପିତ କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ପୁସ୍ତକଟିକୁ ଉନ୍ମୋଚନ କରିଛନ୍ତି। ଟେଲିକମ୍ ଗୁରୁ ଭାବେ ପରିଚିତ ପିଟ୍ରୋଡା ଟିଟିଲାଗଡ଼ରେ ଜନ୍ମ ଗ୍ରହଣ କରିଥିଲେ। ୨୦୦୫ରୁ ୨୦୦୯ ଯାଏ ସେ ଜାତୀୟ ନଲେଜ କମିଶନ ଭାବେ ଦାୟିତ୍ୱ ତୁଲାଇଥିଲେ। ନିଜ ଶୈଶବ ଅବସ୍ଥାର ଓଡିଶା ଅନୁଭୂତିକୁ ସେ ଆତ୍ମଜୀବନୀରେ ଉଲ୍ଲେଖ କରିଛନ୍ତି। ସେହିପରି ଓଡିଶାର ଅବଦାନକୁ ମଧ୍ୟ ଭୁଲିନାହାନ୍ତି ପିଟ୍ରୋଡା। ଉତ୍ସବରେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକଚନ୍ଦ୍ର ପଣ୍ଡା, ସ୍କୁଲ ଓ ଗଣଶିକ୍ଷା ମନ୍ତ୍ରୀ ଦେବୀପ୍ରସାଦ ମିଶ୍ର, ସିଆଇଆଇ ଓଡିଶା ଅଧ୍ୟକ୍ଷ ଡି.ଏସ. ରବୀନ୍ଦ୍ର ରାଜୁ ପ୍ରମୁଖ ଉପସ୍ଥିତ ଥିଲେ।