ଭୁବନେଶ୍ୱର: ଆଇଆରସି ଭିଲେଜ ଅଞ୍ଚଳରୁ ଆଜି ଜଣେ ଯୁବକଙ୍କ କ୍ଷତାକ୍ତ ଯୁବକଙ୍କ ମୃତଦେହ କମିଶନରେଟ ପୋଲିସ ଉଦ୍ଧାର କରିଛି। ଯୁବକ ଜଣଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି। ମୃତକଙ୍କ ପରିଚୟ ମିଳିପାରିନାହିଁ। ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ଜୟଦେବ ବିହାର-ବିଜୁ ପଟ୍ଟନାୟକ ପାର୍କ ରସ୍ତାର ଆଇଆରସି ଭିଲେଜ ନିକଟରେ ଏକ ଶବ ପଡିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ମୃତ ଯୁବକଙ୍କ ହାତ ବନ୍ଧା ଯାଇଥିବା ବେଳେ ଶରୀରର ବିଭିନ୍ନ ସ୍ଥାନରେ କ୍ଷତଚିହ୍ନ ଥିବା ଦେଖିବାକୁ ମିଳିଛି। ଗତକାଲି ରାତିରେ ଉକ୍ତ ସ୍ଥାନରେ ରାସ୍ତା କାମ ହେଉଥିଲା। ଏପରି ସ୍ଥିତିରେ କେହି ବାହାରୁ ଯୁବକ ଜଣଙ୍କୁ ଆଣି ଉକ୍ତ ସ୍ଥାନରେ ମାଡ ମାରି ପକାଇ ଦେଇଯାଇଥିବା ଅନୁମାନ କରାଯାଉଛି। ମାଡ଼ ଯୋଗୁଁ ଯୁବକ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ସନ୍ଦେହ କରାଯାଉଛି।