କଟକ: ଧାନ ସଂଗ୍ରହ ନେଇ ଆଜି କେନ୍ଦ୍ରାଞ୍ଚଳ ଆରଡିସି ଅଧୀନ ଜିଲ୍ଲାର ଜିଲ୍ଲାପାଳଙ୍କ ସମ୍ମିଳନୀ

କଟକ: କଟକରେ କେନ୍ଦ୍ରାଞ୍ଚଳ ରାଜସ୍ୱ କମିଶନରଙ୍କ ଅଧୀନରେ ଥିବା ଜିଲ୍ଲାଗୁଡିକର ଜିଲ୍ଲାପାଳମାନଙ୍କୁ ନେଇ ଆଜି ଏକ ସମ୍ମିଳନୀ ଅନୁଷ୍ଠିତ ହେବ। ଆରଡିସିଙ୍କ କାର୍ଯ୍ୟାଳୟରେ ହେବାକୁ ଥିବା ଏହି ସମ୍ମିଳନୀରେ ମୁଖ୍ୟତଃ ଚାଷୀମାନଙ୍କଠାରୁ ଧାନ ସଂଗ୍ରହ ସମ୍ପର୍କରେ ଆଲୋଚନା ହେବାର କାର୍ଯ୍ୟକ୍ରମ ରହିଛି। ତେବେ କେଉଁଠି କେବେଠାରୁ ଧାନ ସଂଗ୍ରହ କରାଯିବ, ଧାନର ମୂଲ୍ୟ କେତେ ରହିବ, ଚାଷୀମାନେ କିଭଳି ସହଜ ଓ ସରଳ ପ୍ରକ୍ରିୟା ଜରିଆରେ ନିଜର ଧାନ ବିକ୍ରି କରିପାରିବେ ସେ ନେଇ ସମ୍ମିଳନୀରେ ବିସ୍ତୃତ ଭାବେ ଆଲୋଚନା ହେବ। ଏହି ସମ୍ମିଳନୀରେ କଟକ, କେନ୍ଦ୍ରାପଡା, ଯାଜପୁର, ଜଗତସିଂହପୁର, ଭଦ୍ରକ୍, ବାଲେଶ୍ୱର, ମୟୁରଭଂଜ, ନୟାଗଡ, ପୁରୀ, ଖୋର୍ଦ୍ଧା ଜିଲ୍ଲାର ଜିଲ୍ଲାପାଳମାନେ ଯୋଗ ଦେବେ।