ମୁମ୍ବାଇ: ଶୀନା ବୋରା ହତ୍ୟା ଘଟଣାରେ ଡିଏନଏ ରିପୋର୍ଟ ଆଜି ପୋଲିସକୁ ହସ୍ତଗତ ହେବ । ମୁମ୍ବାଇର ରାଇଗଡ ଜଙ୍ଗଲରୁ ମିଳିଥିବା ଦେହାବଶେଷର ଡିଏନଏ ରିପୋର୍ଟ ଆସିବା ପରେ ମୁମ୍ବାଇ ପୋଲିସ ଆଗାମୀ ପଦକ୍ଷେପ ଗ୍ରହଣ କରିବ। ଏହି ରିପୋର୍ଟ ଉପରେ ଶୀନା ବୋରା ହତ୍ୟା ଅଭିଯୋଗରେ ପୋଲିସ ହେପାଜତ ଥିବା ଇନ୍ଦ୍ରାଣୀ, ତାଙ୍କ ପୂର୍ବତନ ସ୍ୱାମୀ ସଞ୍ଜୀବ ଖାନ୍ନା ଓ ଡ୍ରାଇଭର ଶ୍ୟାମବର ରାୟଙ୍କ ଭାଗ୍ୟ ନିର୍ଭର କରୁଛି। ଅନ୍ୟପକ୍ଷରେ ଏହି ତିନି ଅଭିଯୁକ୍ତଙ୍କ ରିମାଣ୍ଡ ଆଜି ଶେଷ ହେବାକୁ ଯାଉଛି। ରିମାଣ୍ଡ ସରିବା ପରେ ଏମାନଙ୍କୁ କୋର୍ଟରେ ହାଜର କରାଯିବ। ମୁମ୍ବାଇ କୋର୍ଟ ଏମାନଙ୍କ ରିମାଣ୍ଡ ଅବଧିକୁ ଶନିବାରରୁ ସୋମବାରକୁ ବୃଦ୍ଧି କରାଯାଇଥିଲା। ଗତ ଅଗଷ୍ଟ ୨୫ ତାରିଖରେ ଶୀନା ବୋରା ହତ୍ୟାକାଣ୍ଡରେ ତିନି ମୁଖ୍ୟ ଅଭିଯୁକ୍ତ ଇନ୍ଦ୍ରାଣୀ, ପୂର୍ବତନ ସ୍ୱାମୀ ସଞ୍ଜୀବ ଖାନ୍ନା ଓ ଡ୍ରାଇଭର ଶ୍ୟାମବର ରାୟ ଗିରଫ ହୋଇଥିଲେ।
ସୂଚନାଯୋଗ୍ୟ,୨୦୧୨ ଏପ୍ରିଲ ୨୪ ଶୀନାଙ୍କୁ ହତ୍ୟା କରାଯାଇଥିଲା ବେଳେ ୨୦୧୨ ମେ’୨୩ରେ ମୁମ୍ୱାଇର ରାଇଗଡ ଅଞ୍ଚଳରେ ଥିବା ପେନ୍ ଜଙ୍ଗଲରୁ ତାଙ୍କ ଦେହବାଶେଷ ଉଦ୍ଧାର କରାଯାଇଥିଲା।