ନୂଆଦିଲ୍ଲୀ: ବ୍ୟାଙ୍କରେ ଅଚଳ ନୋଟ୍ ଜମା କରିବାର ଅବଧି ଗତକାଲି ଶେଷ ହୋଇଯାଇଛି। ଆଜିଠାରୁ ବ୍ୟାଙ୍କ ଗୁଡ଼ିକ ଆଉ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ୍ ଗ୍ରହଣ କରିବେ ନାହିଁ। ଭାରତରେ ରହୁଥିବା ଲୋକମାନେ ଆଜିଠାରୁ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ କେବଳ ଆର୍ବିଆଇ ଶାଖାରେ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ୍ ଜମା କରାଯାଇପାରିବ। ସେହିଭଳି ବିଦେଶରେ ରହୁଥିବା ଭାରତୀୟମାନେ ଜୁନ୍ ୩୦ ତାରିଖ ଭିତରେ ଆର୍ବିଆଇ ଶାଖାରେ ଟଙ୍କା ଜମା କରିପାରିବେ।
ଅପରପକ୍ଷେ ବିମୁଦ୍ରାକରଣ ପରଠୁ ଗତକାଲି ପର୍ଯ୍ୟନ୍ତ ବ୍ୟାଙ୍କ ଗୁଡ଼ିକରେ କେତେ ପରିମାଣରେ ପୁରୁଣା ୫୦୦ ଓ ୧୦୦୦ ଟଙ୍କିଆ ଜମା ହୋଇଛି ତା’ର ରିପୋର୍ଟ ମାଗିଛି ଆରବିଆଇ। ଇ-ମେଲ ମାଧ୍ୟମରେ ଅଚଳ ନୋଟ୍ଜମା ସମ୍ପର୍କରେ ସବିଶେଷ ତଥ୍ୟ ଦେବାକୁ ଦେଶର ସମସ୍ତ ରାଷ୍ଟ୍ରାୟତ୍ତ, ଘରୋଇ, ଗ୍ରାମ୍ୟ ଓ କୋଅପରେଟିଭ୍ ବ୍ୟାଙ୍କ ଗୁଡ଼ିକୁ ନିର୍ଦ୍ଦେଶ ଦେଇଛନ୍ତି ଆରବିଆଇ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
