ଭାରତରେ ୬୫୦ କୋଟି ବିନିଯୋଗ କରିବ ଜର୍ମାନୀର ଅଟୋ ସପ୍ଲାୟର ବୁସ୍

ନୂଆଦିଲ୍ଲୀ: ଚଳିତବର୍ଷ ଶେଷ ସୁଦ୍ଧା ଭାରତରେ ଜାର୍ମାନୀର ଅଟୋ ସପ୍ଲାୟାର କମ୍ପାନୀ ବୁସ୍ ୬୫୦ କୋଟି ଟଙ୍କା ବିନିଯୋଗ କରିବାକୁ ଆଗ୍ରହ ପ୍ରକାଶ କରିଛି। ଏହି ସୂଚନା ଦେଇଛନ୍ତି ଭାରତ ଗସ୍ତରେ ଆସିଥିବା ଜାର୍ମାନ ଚାନ୍ସସେଲର ଆଞ୍ଜେଲା ମାର୍କେଲ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଞ୍ଜେଲା ବାଙ୍ଗାଲୋରର କମ୍ପାନୀ ଫ୍ୟାସିଲିଟେଜକୁ ଯାଇଥିବାବେଳେ ଏହି ଘୋଷଣା କରିଛନ୍ତି।

ଅନ୍ୟପକ୍ଷରେ ବୁସ୍ କର୍ତ୍ତୃପକ୍ଷ କହିଛନ୍ତି ଯେ, ବିଶ୍ୱସ୍ତରରେ ଭାରତୀୟ ଇଞ୍ଜିନିୟରଙ୍କ ପ୍ରଚେଷ୍ଠା ଦ୍ୱାରା ବୁସ କମ୍ପାନୀ ସଫଳତାର ଶୀର୍ଷରେ ପହଞ୍ଚିଛି। ମୁଖ୍ୟତଃ ଭାରତୀୟ ଇଞ୍ଜିନୟରମାନେ ଡାଟା ମାଇନିଂ ଓ ସ୍ମାର୍ଟ ମାନ୍ୟୁଫକ୍ଚରିଂରେ ବେଶ ପ୍ରବୀଣ ବୋଲି କମ୍ପାନୀ କର୍ତ୍ତୃପକ୍ଷ ସୂଚନା ଦେଇଛନ୍ତି। ୨୦୧୮ ସୁଦ୍ଧା ବୁସ୍ କମ୍ପାନୀ ଭାରତରେ ଥିବା ତାର ୧୮ଟି ଶାଖା ପ୍ଲାଣ୍ଟରେ ଏହି ସ୍ମାର୍ଟ ମାନ୍ୟୁଫକ୍ଚରିଂ ବ୍ୟବସ୍ଥାକୁ ଲାଗୁ କରିବ। ଏହାସହ ନୂତନ ପ୍ଲାଣ୍ଟ ଭାବେ କର୍ଣ୍ଣାଟକର ବିଦାଦୀ, ତାମିଲନାଡୁର ଚେନ୍ନାଇ ଓ ଗୋଙ୍ଗାଇକୋଡନରେ ସ୍ଥାପନ କରାଯିବ।