ମୁମ୍ୱାଇ: ଶେୟାର ବଜାରରେ ଆଜି ଇଣ୍ଡିଆନ ରେଲଓ୍ୱେ କ୍ୟାଟରିଂ ଆଣ୍ଡ ଟୁରିଜିମ କର୍ପୋରେସନ (ଆଇଆରସିଟିସି)ର ମୂଲ୍ୟ ଦୁଇ ଗୁଣା ବଢ଼ିଛି। ଶେୟାର ବଜାର ଖୋଲିବା ବେଳକୁ ଆଇଆରସିଟିସିର ବେସ ପ୍ରାଇସ୍ ୩୨୦ ଥିଲା। ହେଲେ ୧୦ଟା ୨୦ ସୁଦ୍ଧା ସେୟାର ପ୍ରାଇସ ଦୁଇ ଗଣା ବଢ଼ି ୬୯୧ ହୋଇଥିଲା । ପରେ ଶେୟାର ବଜାର ବନ୍ଦ ହେବା ବେଳକୁ ଏହାର ମୂଲ୍ୟ ୭୩୩ ଟଙ୍କା ହୋଇଛି। ଫଳରେ ଆଇଆରସିଟିସିରେ ନିବେଶ କରିଥିବା ଶେୟାର ହୋଲଡରଙ୍କର ଆଜି ମାଲାମାଲ ହୋଇଛନ୍ତି।
କମ୍ପାନୀ ଆଇପିଓର ଆବେଦନ ସେପ୍ଟମ୍ୱର ୩୦ରୁ ଆରମ୍ଭ ହୋଇ ୪ ଅକ୍ଚୋବର ବନ୍ଦ ହୋଇଥିଲା। ଆଇଆରସିଟିସିର ଆଇପିଓରୁ ୬୪୫ କୋଟି ଟଙ୍କା ଉଠାଇବ ବୋଲି ଲକ୍ଷ୍ୟ ରଖିଥିଲା। ହେଲେ ନିର୍ଦ୍ଧାରିତ ଲକ୍ଷ୍ୟଠୁ ୧୧୨ ଗୁଣା ଶେୟାର ଆଇଆରସିଟିସିର ବଢ଼ିଛି। ନ୍ୟାଶନାଲ ଷ୍ଟକ ଏକ୍ସଚେଞ୍ଜରେ(ଏନଏସଇ) ଆଇଆରସିଟିସିର ସୂଚକାଙ୍କ ୬୨୬ ରହିଥିଲା। ଷ୍ଟକ୍ ମାର୍କେଟରେ କୌଣସି ସରକାରୀ କମ୍ପାନୀ ତାଲିକାଭୁକ୍ତ ହେବାରେ ଏହା ହେଉଛି ପ୍ରଥମ କମ୍ପାନୀ ।