ନୂଆଦିଲ୍ଲୀ: ଗତମାସ ନୋକିଆ ମୋବାଇଲ କମ୍ପାନୀ ନିଜର ୫ କ୍ୟାମେରା ବିଶିଷ୍ଟ ସ୍ମାର୍ଟଫୋନ୍ Nokia9 ଲଞ୍ଚ୍ କରିଥିଲା। ଭାରତରେ ଏହି ସ୍ମାର୍ଟଫୋନ୍କୁ ୪୯ ହଜାର ୯୯୯ ଟଙ୍କାରେ ଲଞ୍ଚ୍ କରାଯାଇଥିଲା। ହେଲେ ଏବେ ଏହି ସ୍ମାର୍ଟଫୋନ୍ ଉପରେ ୩ ହଜାର ଟଙ୍କାର ରିହାତି ମିଳୁଛି।
ଆମାଜନ୍ ଇଣ୍ଡିଆ ସାଇଟ୍ରେ Nokia 9 PureViewର ୬ଜିବି ରାମ୍ ଓ ୧୨୮ ଜିବି ଷ୍ଟୋରେଜ୍ ଭ୍ୟାରିଆଣ୍ଟ ୪୬ ହଜାର ୯୦୦ ଟଙ୍କାରେ ଉପଲବ୍ଧ ହେଉଛି। ଏହି ଅଫର୍ କେତେ ଦିନ ଯାଏ ରହିବ ସେ ବିଷୟରେ କୌଣସ ସୂଚନା ଦିଆଯାଇନାହିଁ।
ଏଥିସହ ଇ-କମର୍ସ ପ୍ଲାଟଫର୍ମରେ ଏହି ଫୋନ୍ ଉପରେ ୭ ହଜାର ୫୦୦ଟଙ୍କା ପର୍ଯ୍ୟନ୍ତ ଏକ୍ସଚେଞ୍ଜ ଅଫର୍ ଦିଆଯାଇଛି। ଏହାବ୍ୟତୀତ ଗ୍ରାହକ ୫ କ୍ୟାମେରା ଯୁକ୍ତ ଏହି ଫୋନ୍କୁ ପ୍ରତି ମାସ ୨ହଜାର ୨୦୮ ଟଙ୍କା ମୂଲ୍ୟରେ ଇଏମ୍ଆଇରେ ନେଇପାରିବେ।
ନୋକିଆ ଏହି ଫ୍ଲାଗସିପ୍ ସ୍ମାର୍ଟଫୋନ୍କୁ ଫେବୃଆରୀ ୨୫ରେ ହୋଇଥିବା ୱାର୍ଲ୍ଡ ମୋବାଇଲ କଂଗ୍ରେସ୍ ୨୦୧୯ରେ ଲଞ୍ଚ୍ କରିଥିଲା। Nokia 9 PureView ଦୁନିଆର ପ୍ରଥମ ସ୍ମାର୍ଟ ଫୋନ୍ ଯେଉଁଥିରେ କି ୫ଟି ରିୟର୍ କ୍ୟାମେରା ସେଟ୍ଅପ୍ ରହିଛି। ୫ଟି ଯାକ କ୍ୟାମେରା ୧୨ ମେଗାପିକ୍ସେଲ f/1.8 ସେନ୍ସର୍ସ ବିଶିଷ୍ଟ।
ଏଥି ମଧ୍ୟରୁ ୩ଟି ମନୋକ୍ରୋମ ଲେନ୍ସ ଓ ୨ଟି RGB ଲେନ୍ସ। ଏହି ୫ଟି କ୍ୟାମେରା ଏକା ସହ ଫଟୋ କ୍ଲିକ କରନ୍ତି ଓ ଶେଷରେ ସବୁ ମିଶାଇ ଗୋଟିଏ ଫଟୋ ଜେନେରେଟ୍ କରନ୍ତି। ଏହି ସ୍ମାର୍ଟ ଫୋନ୍ରେ ୫.୯ ଇଞ୍ଚର 2K pOLED ଡିସପ୍ଲେ ଦିଆଯାଇଛି। ଏହି ଫୋନରେ ୬ଜିବି ରାମ୍ ଓ ୧୨୮ ଜିବି ଇଣ୍ଟରନାଲ ଷ୍ଟୋରେଜ୍ ଦିଆଯାଇଛି।