ପାରାଦୀପ: ପାରାଦୀପ ବନ୍ଦରକୁ ଦେଶର ଏକ ନମ୍ୱର ବନ୍ଦର ଭାବେ ଗଢି ତୋଳିବା ପ୍ରଥମ ଲକ୍ଷ୍ୟ ବୋଲି କହିଛନ୍ତି ବନ୍ଦରର ନୂତନ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଥିବା ରିଙ୍କେଶ ରାୟ। ପାରାଦୀପ ବନ୍ଦର ଏବେ ଦେଶର ଦ୍ୱିତୀୟ ସ୍ଥାନ ଅଧିକାର କରିଛି। ଏହାକୁ ଏକ ନମ୍ୱରରେ ପହଞ୍ଚାଇବା ପାଇଁ ସମସ୍ତ ଉଦ୍ୟମ ଜାରି ରହିବ ବୋଲି ସେ କହିଛନ୍ତି। ଏହାଛଡା ବନ୍ଦରର ବିଭିନ୍ନ ସମସ୍ୟା ପ୍ରତି ପ୍ରାଥମିକ କ୍ଷେତ୍ରରେ ଦୃଷ୍ଟି ଦେବା ସହ ଆମଦାନୀ, ରପ୍ତାନୀ କ୍ଷେତ୍ରରେ ଉଚିତ୍ ମୂଲ୍ୟ ଧାର୍ଯ୍ୟ ଓ ପାରିପାର୍ଶ୍ୱିକ ଉନ୍ନତି ଦିଗରେ ମଧ୍ୟ ଯଥେଷ୍ଟ ଧ୍ୟାନ ଦିଆଯିବ ବୋଲି ସେ କହିଛନ୍ତି।
ଗତକାଲି ରିଙ୍କେଶ ରାୟ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଥିଲେ। ପୂର୍ବରୁ ପୂର୍ବତନ ଅଧ୍ୟକ୍ଷ ଏମଟି କ୍ରୀଷ୍ଣାବାବୁ ଅତିରିକ୍ତ ଭାବେ ପାରାଦୀପ ବନ୍ଦର କାର୍ଯ୍ୟ ତୁଲାଉଥିଲେ। ଗତକାଲି ସେ ରାଙ୍କେଶଙ୍କୁ ଦାୟିତ୍ୱ ହସ୍ତାନ୍ତର କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
