ନୂଆଦିଲ୍ଲୀ: କେନ୍ଦ୍ର ସରକାର ଶନିବାର ପେଟ୍ରୋଲ୍ ଓ ଡିଜେଲର ଉତ୍ପାଦନ ଶୁଳ୍କକୁ ବୃଦ୍ଧି କରିଛନ୍ତି। ପେଟ୍ରୋଲର ଉତ୍ପାଦନ ଶୁଳ୍କ ୩୭ ପଇସା ବଢ଼ା ଯାଇଥିବା ବେଳେ ଡିଜେଲର ଉତ୍ପାଦର ଶୁଳ୍କକୁ ୨ ଟଙ୍କା ବଢ଼ାଇ ଦିଆଯାଇଛି। ଫଳରେ ଅଣ-ବ୍ରାଣ୍ଡେଡ୍ ବା ସାମାନ୍ୟ ପେଟ୍ରୋଲ ଉପରେ ଏବେ ଲିଟର ପିଛା ଉତ୍ପାଦନ ଶୁଳ୍କ ୧୯.୭୩ ଟଙ୍କା ହୋଇଯାଇଛି। ସେହିପରି ଡିଜେଲର ଲିଟର ପିଛା ଉତ୍ପାଦନ ଶୁଳ୍କ ୧୩.୮୩ ଟଙ୍କା ହୋଇଛି। ଏଥିଯୋଗୁଁ ସରକାର ଅଧିକ ୪,୪୦୦ କୋଟି ଟଙ୍କା ରାଜସ୍ୱ ପାଇବେ।
ଏହା ପୂର୍ବରୁ ଡିସେମ୍ବର ମାସରେ ଉଭୟ ପେଟ୍ରୋଲ ଓ ଡିଜେଲ ଉପରେ ଉତ୍ପାଦନ ଶୁଳ୍କ ବୃଦ୍ଧି କରାଯାଇଥିଲା। ପେଟ୍ରୋଲ୍ ଉପରେ ଲିଟର ପିଛା ୧.୧୭ ଟଙ୍କା ଉତ୍ପାଦନ ଶୁଳ୍କ ବଢ଼ା ଯାଇଥିଲା। ସେହିପରି ଡିଜେଲ୍ ଉପରେ ଉତ୍ପାଦନ ଶୁଳ୍କକୁ ୩୦ ପଇସା ବଢ଼ା ଯାଇଥିଲା। ତା’ ପୂର୍ବରୁ ନଭେମ୍ବର ମାସରେ ପେଟ୍ରୋଲ୍ ଓ ଡିଜେଲର ଉତ୍ପାଦନ ଶୁଳ୍କ ବୃଦ୍ଧି କରାଯାଇଥିଲା।
ଚଳିତ ଆର୍ଥିକ ବର୍ଷରେ ପେଟ୍ରୋଲ୍ ଓ ଡିଜେଲର ଉତ୍ପାଦନ ଶୁଳ୍କ ତିନି ଥର ବଢ଼ା ଗଲାଣି।