ନୂଆଦିଲ୍ଲୀ: ଫ୍ୟାସନ୍ ପୋର୍ଟାଲ୍ ଜାବୋଙ୍ଗର ସିଇଓ ଭାବେ ନିଯୁକ୍ତି ପାଇଛନ୍ତି ଫ୍ୟାସନ ଜଗତରେ ଜଣାଶୁଣା ଓଡ଼ିଆ ସଂଜୀବ ମହାନ୍ତି। ସେ ଚଳିତ ବର୍ଷ ଡିସେମ୍ବର ମାସରୁ ବିଧିବଦ୍ଧ ଭାବେ ଏହି ଦାୟିତ୍ୱ ଗ୍ରହଣ କରିବେ। ସେ ଉଭୟ ସିଇଓ ଓ ପରିଚାଳନା ନିର୍ଦ୍ଦେଶକ (ଏମଡି) ପଦବୀରେ ରହିବେ ବୋଲି କଂପାନୀ ପକ୍ଷରୁ କୁହାଯାଇଛି।
ଜାବୋଙ୍ଗର ପ୍ୟାରେଣ୍ଟ୍ କଂପାନୀ ଗ୍ଲୋବାଲ୍ ଫ୍ୟାସନ୍ ଗ୍ରୁପ୍ (ଜିଏଫଜି)ର ମୁଖ୍ୟ କାର୍ଯ୍ୟନିର୍ବାହୀ ରୋମେନ୍ ଭୁଗ୍ କହିଛନ୍ତି ଯେ ଫ୍ୟାସନ୍ ଓ ଭାରତୀୟ ଗ୍ରାହକଙ୍କ ସଂପର୍କରେ ସଂଜୀବଙ୍କର ଗଭୀର ଜ୍ଞାନ ରହିଛି। ତା’ସହିତ ଜିଏଫଜିର ଏହାର ଅଂଶୀଦାରଙ୍କ ପ୍ରତି ରହିଥିବା ପ୍ରତିବଦ୍ଧତା ପ୍ରତି ମଧ୍ୟ ସେ ପୂରା ପ୍ରତିଶ୍ରୁତିବଦ୍ଧ। ଭାରତେ ଜାବୋଙ୍ଗର ସ୍ଥିତିକୁ ଆହୁରି ଦୃଢ଼ କରିବାରେ ସଂଜୀବ ନିଶ୍ଚିତ ସହାୟକ ହେବେ।