ଭୁବନେଶ୍ୱର: ଏୟାର ଓଡ଼ିଶା ପୂର୍ବତନ ଅପରେଟର ହେଡ୍ ଓ ସେୟାର ହୋଲ୍ଡର ସନ୍ତୋଷ ପାଣି ଗିରଫ ହୋଇଛନ୍ତି। ଭୁବେଶ୍ୱରରୁ ତାଙ୍କୁ ଖଣ୍ଡଗିରି ପୋଲିସ ଗିରଫ କରିଛି। ଜାମିନ୍ ସର୍ତ୍ତାବଳୀ ପୂରଣ ନକରିବା ଅଭିଯୋଗରେ ତାଙ୍କ ବିରୋଧରେ ମାର୍ଚ୍ଚ ୨୮ ତାରିଖରେ ଏସ୍ଡିଜେଏମ୍ କୋର୍ଟରେ ଏନ୍ବିଡବ୍ଲ୍ୟୁ ଜାରି ହୋଇଥିଲା।
ଏୟାର ଓଡ଼ିଶାର ଅନ୍ୟତମ ସେୟାର ହୋଲ୍ଡର ସନ୍ଦୀପ ରାୟଙ୍କ ଅର୍ଥ ହେରଫେର ମାମଲାରେ ସନ୍ତୋଷଙ୍କୁ ସେସନ୍ସ କୋର୍ଟରୁ ଜାମିନ୍ ମିଳିଥିଲା। ଜାମିନ ସମୟରେ ୨୦ ଲକ୍ଷ ଟଙ୍କା ଓ ପରେ ମାସକୁ ୧୦ ଲକ୍ଷ ଟଙ୍କା ଲେଖାଏଁ ଦେବା ପାଇଁ କୋର୍ଟ ସର୍ତ୍ତ ରଖିଥିଲେ। ହେଲେ ସନ୍ତୋଷ କୋର୍ଟଙ୍କ ସର୍ତ୍ତ ମାନି ନଥିଲେ।
ଏହାକୁ ନେଇ ସନ୍ଦୀପ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ନିର୍ଦ୍ଧାରିତ ଅର୍ଥ ଫେରସ୍ତ କରିବାକୁ ସନ୍ତୋଷଙ୍କୁ ହାଇକୋର୍ଟ ମହଲତ ଦେଇଥିଲେ। ମାତ୍ର ହାଇକୋର୍ଟଙ୍କ ନିର୍ଦ୍ଦେଶକୁ ସନ୍ତୋଷ ଅମାନ୍ୟ କରିବାରୁ ସନ୍ଦୀପ ଏଡିଜେଏମ୍ କୋର୍ଟରେ ପିଟିସନ୍ ଦାଖଲ କରିଥିଲେ। ଏହାପରେ ତାଙ୍କ ବିରୋଧରେ ଏନ୍ବିଡବ୍ଲ୍ୟୁ ଜାରି ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
