ଭଦ୍ରକ: କୋର୍ଟ ଚାଲାଣ ବେଳେ ଫେରାର ହୋଇଯାଇଥିବା ଭଦ୍ରକ ଜିଲ୍ଲା ତିହିଡ଼ି ବ୍ଲକ ଭାତପଡ଼ା ପଞ୍ଚାୟତର ସମିତି ସଭ୍ୟ ପ୍ରାର୍ଥୀ ବିକାଶ ସେନାପତିଙ୍କୁ ପୋଲିସ୍ ବାସୁଦେବପୁର ଅଞ୍ଚଳରୁ ଗିରଫ କରିଛି। ପରିବାର ଲୋକଙ୍କୁ ମାର୍ପିଟ୍ କରିବା ଅଭିଯୋଗରେ ତିହିଡ଼ି ପୋଲିସ୍ ଗତକାଲି ତାଙ୍କୁ ଗିରଫ କରିଥିଲା। ତାଙ୍କୁ ଭଦ୍ରକ କୋର୍ଟରେ ହାଜର କରିବା ପାଇଁ ନିଆଯାଇଥିବା ବେଳେ ସେ ପରିସ୍ରା ଯିବା ବାହାନାରେ ସେଠାରୁ ଚମ୍ପଟ୍ ମାରିଥିଲେ।
ବିକାଶ ପରିବାର ଲୋକଙ୍କୁ ମାର୍ପିଟ୍ କରିଥିବା ନେଇ ତାଙ୍କ ବାପା ତିହିଡ଼ି ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ପୋଲିସ୍ ଏକ ମାମଲା ରୁଜୁ କରି ତାଙ୍କୁ ଗିରଫ କରିଥିଲା।